Falastinning HAMAS harakati 17-dekabr kuni Qatarda o‘t ochishni to‘xtatish bo‘yicha jiddiy va ijobiy muzokaralar o‘tkazilganini aytdi. Bu haqda Anadolu xabar berdi.
Ma’lum qilinishicha, agar Isroil o‘t ochishni to‘xtatish bo‘yicha yangi shartlar qo‘yishni to‘xtatsa, kelishuvga erishish mumkin bo‘ladi. HAMAS bu borada Qatarda yahudiy rasmiylari bilan muzokaralar bo‘lib o‘tganini aytdi. Muzokaralar vositachi davlatlar — Qatar va Misr homiyligida o‘tkazilgan.
O‘t ochishni to‘xtatish va asirlarni ayirboshlash to‘g‘risidagi kelishuvga erishish faqat bosqinchi yangi shartlar qo‘ymagan taqdirdagina mumkin bo‘ladi, deyiladi HAMAS bayonotda.
2023-yil noyabr oyida HAMAS va Isroil mahbuslarni ayirboshladi va G‘azo sektorida vaqtinchalik o‘t ochishni to‘xtatishga erishdi. Isroil taxminan bir hafta davom etgan o‘t ochishni to‘xtatishdan so‘ng G‘azoga hujumlarini qayta boshladi. HAMAS yuzga yaqin isroillik asirni ushlab turgani aytilmoqda.
Urush bir oy ichida tugashi mumkin
G‘azo sektoridagi o‘t ochishni to‘xtatish va garovga olinganlarni ozod qilish bo‘yicha kelishuvga bir oy ichida erishish mumkin. Bu haqda muzokaralardan xabardor manbalarga tayanib, The Jerusalem Post xabar berdi. Muzokaralarda sezilarli yutuqlarga erishilgan.
HAMASning asosiy xavotiri shundaki, Tramp AQSH prezidenti lavozimini rasman egallaganidan keyin 40-60 kun davom etishi taxmin qilingan kelishuvning bir bosqichida uning buzilishi ehtimoli mavjud. HAMAS shu sababli 20-yanvar kuni saylangan AQSH prezidentining inauguratsiyasiga qadar Isroil bilan shartnoma tuzishga harakat qiladi.
Izoh (0)