Kolumbiya prezidenti Gustavo Petro bortida deportatsiya qilinayotgan kolumbiyaliklar bo‘lgan AQSH samolyotlariga mamlakat hududiga qo‘nishni taqiqladi. Bu haqda u o‘zining X (sobiq Twitter) sahifasida yozdi.
“AQSH Kolumbiyadan kelgan muhojirlarga jinoyatchilar kabi munosabatda bo‘lmasligi kerak. Men Shimoliy Amerika samolyotlarining kolumbiyalik muhojirlar bilan bizning hududimizga kelishiga ruxsat bermayman. AQSH ularni qabul qilishimizdan oldin muhojirlarga munosib munosabatda bo‘lish qoidalarini joriy etishi lozim”, dedi prezident Petro.
Trampning migratsiya siyosati
Tramp 21-yanvar kuni chegaradagi barcha noqonuniy o‘tish joylari yopilishini ta’kidladi. U AQSH janubiy chegarasi orqali noqonuniy migrantlarning kirishini taqiqlash to‘g‘risidagi farmonni imzoladi. Boshpana izlash bahonasi bilan u yerda qolish huquqini chekladi.
Prezident Ichki xavfsizlik vazirligi, Adliya vazirligi va Davlat departamentiga AQSHga janubdan noqonuniy kirayotganlarni chiqarib yuborish choralarini ko‘rishni topshirdi. Pentagon chegaraga qo‘shimcha 1,5 ming askar va vertolyotlar yuborilishini e’lon qildi. Shuningdek, 5 mingdan ortiq noqonuniy migrantlarni deportatsiya qilish uchun aviatsiya taqdim etiladi, ularning oqimi va noqonuniy savdosini to‘xtatish uchun vaqtinchalik va doimiy to‘siqlar quriladi.
Meksika prezidenti AQSHga borish uchun uning mamlakatiga kelayotgan noqonuniy migrantlar o‘z vatanlariga qaytarib yuborilishini aytdi. Meksika AQSHdan noqonuniy migrantlarni olib kelayotgan harbiy transport samolyotini qabul qilishdan bosh tortdi.
Izoh (0)