AQSHning saylangan prezidenti Donald Tramp 2025-yil yanvar oyida lavozimiga kirishgan, AQSHda tug‘ilgan xorijliklarga fuqarolik berishni to‘xtatmoqchi. Bu haqda NBC News xabar berdi.
Trampning so‘zlariga ko‘ra, hozirgi tizim noqonuniy migratsiyani rag‘batlantiradi va ijtimoiy xizmatlarga yuklamani orttiradi. Shu sababdan u AQSH fuqarosi bo‘lmagan ota-onalardan tug‘ilgan bolalarga fuqarolikni avtomatik berishni to‘xtatadigan farmon chiqarmoqchi.
Tegishli rejaga qarshilar ham bor. Ular qonun o‘zgarishi konstitutsiyaga zid bo‘lishi mumkin deb hisoblaydi. Chunki AQSH Konstitutsiyasiga kiritilgan 14-tuzatish mamlakat hududida tug‘ilgan barcha shaxslarga fuqarolik huquqini berishni nazarda tutadi.
Mutaxassislarga ko‘ra, tegishli huquqni bekor qilish nafaqat prezident farmonini, balki Konstitutsiyaga o‘zgartirish kiritishni ham o‘z ichiga olgan murakkab huquqiy va qonunchilik dalillarini talab etadi.
So‘nggi paytlarda farzand ko‘rish uchun Amerikaga borish ommalashib ketdi. Ko‘pincha bo‘lajak ota-onalar buning uchun sohildagi iliq shtatlarni tanlaydi. Bozorda bunday sayohatlarni tashkil etishda yordam beradigan sayyohlik agentliklari mavjud. AQSHning ayrim perinatal markazlarida MDHdan kelgan ota-onalarga rus tilida so‘zlashuvchi xodimlar xizmat ko‘rsatadi.
Migrantlar uchun “qora kunlar”
Saylangan prezident ma’muriyati Baydenning migrantlarning mamlakatga qonuniy yo‘l bilan kirishiga ruxsat bergan gumanitar dasturlarini ham to‘xtatish niyatida. Bunda ruxsatnoma muddati tugaganlar AQSHni tark etishga majbur bo‘lishi mumkin.
Tramp chegaraga Milliy gvardiya qo‘shinlarini jo‘natishni va noqonuniy migratsiya tufayli milliy favqulodda holat e’lon qilishni rejalashtirmoqda. U chegara devorini qurishga byudjetdan mablag‘ olish uchun shunday qaror qabul qilishi mumkin. Tramp yangi muddatni noqonuniy migrantlarga qarshi choralar bilan boshlaydi.
Izoh (0)