Angliya premyer-ligasining 22-turi doirasidagi “Manchester Yunayted” – “Brayton” uchrashuvi 19-yanvar, yakshanba kuni bo‘lib o‘tdi.
O‘yinning 5-daqiqasidayoq mehmonlar hisobda oldinga chiqib oldi, gol muallifi – Yankuba Minte. 23-daqiqada Brunu Fernandesh hisobni tenglashtirdi.
Ikkinchi bo‘lim esa birinchisidan ham qiziqarliroq o‘tdi deyish mumkin. O‘yinning 60-daqiqasida esa Kaoru Mitoma jamoasini yana oldinga olib chiqdi. Oradan 16 daqiqa o‘tib esa Georginio Ratterning goli oradagi farqni ikkitaga oshirdi – 1:3.
Shunday qilib, ushbu bahsdan so‘ng Amorim shogirdlari turnir jadvalida 26 ochko bilan 13-o‘rinni egallab turibdi. “Brayton”da esa 34 ochko mavjud, 9-o‘rin.
Ushbu tur doirasidagi yana bir bahs esa Liverpul shahrida o‘tkazildi. “Everton” o‘z maydonida Londonning “Tottenhem”ini qabul qildi.
Mezbonlar birinchi bo‘limning o‘zida Dominik Kelvert-Lyuin, Iliman Ndiaye va Archi Greylarning (avtogol) gollaridan so‘ng hisobni yirik ko‘rinishga olib keldi.
77-daqiqada Deyan Kulusevski gol urib hisobni biroz qisqartirgan bo‘lsa, 90-daqiqadagi Risharlisonning goli jamoasini mag‘lubiyatdan asrab qola olmadi. Yakuniy hisob – 3:2.
Uchrashuvdan so‘ng turnir jadvalida ushbu ikki klub orqama-ketin joylashib turibdi. Jumladan, 20 ochko bilan “Everton” 16-o‘rinda, 24 ochko bilan “Tottenhem” 15-o‘rinni egallagan.
Izoh (0)