“Aston Villa” klubining markaziy hujumchisi Jon Duranning sport agenti Kataloniyaning “Barselona” klubi rahbariyati bilan uchrashdi. Bu haqda Sport.es xabar bermoqda.
Manbaga ko‘ra, “Barselona” kelasi mavsum uchun tarkibni shakllantirish ustida ishlamoqda va turli ligalardagi yosh, istiqbolli futbolchilarni kuzatmoqda. Pau Viktor va Daniel Olmo bilan bog‘liq vaziyat jamoada tarkib rotatsiyasi masalasini hozirdanoq dolzarb vaziyatga olib kelgan.
Eslatib o‘tamiz, o‘tgan yilning oktyabr oyida Duran “Aston Villa” bilan shartnomasini 2030-yilning iyun oyigacha uzaytirdi. Joriy mavsumda kolumbiyalik futbolchi 26 ta o‘yinda maydonga tushib, 12 ta gol urishga muvaffaq bo‘ldi. Transfermarkt portali ma’lumotlariga ko‘ra, futbolchining qiymati 40 million yevroni tashkil etadi.
Avvalroq “Barselona” futbolchini ro‘yxatdan o‘tkazish bilan bog‘liq muammoni hal qilmasa, yarim himoyachisi Dani Olmoni mavsumning qolgan qismida ijaraga yubora olmasligi ma’lum bo‘lgandi.
Ma’lumot uchun, “Barselona” La Ligada 19 ta turdan so‘ng 38 ochko to‘plab, 3-o‘rinda bormoqda. Klub keyingi uchrashuvni ertaga, 8-yanvar kuni “Atletik”ka qarshi o‘tkazadi.
Izoh (0)