“Manchester Siti” bosh murabbiyi Xosep Gvardiola Abduqodir Husanov transfer borasida gapirishni istamadi.
Mutaxassis jurnalistning savoliga shunday javob berdi:
“Husanov? Klub hali hech narsani rasman eʼlon qilgani yo‘q. Shunday ekan, men hech narsa deya olmayman”.
Avvalroq Abduqodir Husanovning “Manchester Siti”ga o‘tishi aniq bo‘lgani haqida xabar berilgandi. “Shaharliklar” 20 yoshli o‘zbekistonlik himoyachi uchun Fransiyaning “Lans” klubiga 40 mln yevro to‘lashi aytilgandi.
O‘zbekiston terma jamoasi futbolchisi yaqin kunlarda tibbiy ko‘rikdan o‘tishi va APL klubi bilan 2029-yil iyuniga qadar mo‘ljallangan shartnoma imzolashi xabar qilingandi.
Ma’lumot uchun, “Lans” Husanovni 2023-yil iyul oyida “Energetik-BGU”dan 100 ming yevroga sotib olgandi.
Husanov Fransiya klubi safida 31 ta o‘yinda maydonga tushib, bir marta golli uzatma amalga oshirdi. Uning fransuz klubi bilan tuzgan shartnomasi 2027-yilning iyuniga qadar amal qiladi.
Transfermarkt ma’lumotiga ko‘ra, uning bozor qiymati 12 million yevroga baholangan.
Izoh (0)