“Manchester Yunayted” APL 17-turidan o‘rin olgan o‘z maydonida “Bornmut”ga yutqazib, klub tarixida antirekord o‘rnatdi.
“Qizil iblislar” 1989—90-yilgi mavsumdan beri birinchi marta yangi yil oldidan Angliya chempionati jadvalining ikkinchi yarmida joylashdi. Bu haqda Opta xabar bermoqda. Jamoa hozirda 22 ochko bilan Premyer ligada o‘n uchinchi o‘rinni egallab turibdi. “Bornmut” xuddi shunday sondagi o‘yinlardan so‘ng 28 ochko bilan beshinchi o‘rinda bormoqda.
Ruben Amorim 11-noyabr kuni “Manchester Yunayted”ni boshqarishga kirishdi. Shundan buyon jamoa 4 uchrashuvda g‘alaba qozondi, 1 uchrashuvda durang va 4 uchrashuvda mag‘lubiyat qayd etdi.
Angliya Kubogi uchrashuvida “Tottenhem”ga mag‘lub bo‘lgan “Man Yunayted” murabbiyi jamoaning asosiy maqsadi APL chempionligi ekanini ma’lum qilgandi.
Izoh (0)