O‘zbekiston milliy terma jamoasi va Fransiyaning “Lans” klubi himoyachisi Abduqodir Husanov uchun kurashda “Nyukasl” klubi boshqalarni ortda qoldirishni niyat qilgan.
-GH7zP-vq.jpg)
Manbaga ko‘ra, Angliya klubi Husanov uchun “Lans”ga boshqa daʼvogar klublardan ko‘ra ko‘proq narx taklif qilish niyatida. Saudiya shayxlari egaligidagi klub 20 yoshli o‘zbekistonlik futbolchi uchun 20 million yevro sarflashga tayyor.
Hozirda dunyoning boy klublardan biri hisoblangan “Nyukasl” Husanov transferi bo‘yicha aniq muzokaralar o‘tkazmoqda, biroq “Lans” himoyachini sotishdan 40 million yevro ishlab olmoqchi.
Ma’lumot uchun, himoyachi uchun daʼvogarlar qatorida Angliyaning “Manchester Siti”, “Lester”, “Chelsi”, Fransiyaning “PSJ” klublari ham bor. Maʼlumotlarga ko‘ra, “Man Siti” o‘zbekistonlik himoyachini transferida favorit hisoblanadi.
Avvalroq Husanov uchun kurashga Madridning “Real” klubi ham qo‘shilgani xabar qilingandi.
Xusanovning transfer muzokaralariga Xorxe Mendesh qo‘shildi
Mashhur agent Xorxe Mendesh, futbol olamidagi eng yirik kelishuvlarni amalga oshirgan shaxslardan biri hisoblanadi. U Husanov uchun yangi klub topish ishlarini boshqarayotgani xabar qilinmoqda. Mendeshning bu jarayonga qo‘shilgani futbolchining bozor qiymatining oshib borayotganini tasdiqlaydi. Uning transfer narxi 25-30 million yevro (20-25 million funt) atrofida baholanmoqda.
Futbolchining otasi Xikmatjon Xoshimov, agenti Xasbiullin va “shaharliklar” o‘rtasida allaqachon uchrashuv bo‘lib o‘tgan.
Himoyaning kelajagi: Nima uchun “Nyukasl”ga Husanov kerak?
“Nyukasl” uchun Husanov nafaqat hozirgi tarkibni mustahkamlash, balki uzoq muddatli sarmoya sifatida ham katta ahamiyatga ega. Asosiy himoyachilari Fabian Sher va Den Bernning 30 yoshdan oshganini hisobga olgan holda, klub Sven Botmanga mos keladigan yosh kuchlarni izlashni davom ettirmoqda. Husanovning xotirjamligi, kuchi va tezkorligi uni “Nyukasl”ning himoya chizig‘ini yillar davomida mustahkamlash uchun ideal nomzodga aylantiradi.
Izoh (0)