“Liverpul” — “Manchester Siti” (2:0) uchrashuvida “Enfild” stadionidagi muxlislar Xosep Gvardiolaga ertalab uni isteʼfoga chiqarishlarini aytib baqirishgandi. O‘sha vaqtning o‘zida ispaniyalik murabbiy muxlislarga qarata oltita barmog‘ini ko‘rsatib, APLda necha marta chempion bo‘lganiga shaʼma qilgandi.
Ijtimoiy tarmoqlarda esa keyinroq Joze Mourinyoning shunga o‘xshash holatda muxlislarga uchta barmog‘ini ko‘rsatgan surati tarqaldi.
Portugaliyalik murabbiy “Manchester Yunayted”da ishlagan vaqtda “Tottenxem”ga 0:3 hisobida yengilganidan so‘ng muxlislarga shunday harakat qilgandi. Bu orqali u APLni uch marta yutganiga ishora qilgan.
Gvardiola ham shu holatga o‘z fikrini bildirib, Mourinyo APL bosh sovrinini 3 marta, o‘zi esa 6 marta yutganini aytgandi.
Joze esa bu haqda quyidagicha gapirdi:
“Gvardiola mening manzilim sari APL sovrinini olti marta yutganini, men esa 3-marta g‘olib bo‘lganimni gapiribdi. Lekin, men uchchala chempionligimni ham halol va toza yo‘l bilan qo‘lga kiritganman.
Agar men yutqazsam raqibni tabriklayman, chunki u mendan yaxshiroq bo‘lgani uchun yutgan. 150 ta ish ko‘rib chiqilayotgan pallada g‘alaba qozonishni xohlamayman. Men g‘alaba qozonishni xohlayman, lekin men buni toza va halol yo‘l bilan qilishni xohlayman”.
Maʼlumot uchun, Angliya Premyer-ligasi “Manchester Siti”ni 2009-2018-yillar davomida moliyaviy qoidalarni 115-marta buzganlikda ayblagan edi. Mazkur ish yuzasidan eshituvlar sentyabr oyida boshlangan bo‘lib, bu boradagi qaror 2025-yilning mart oyida eʼlon qilinishi kutilmoqda.
Izoh (0)