“Liverpul” hujumchisi Muhammad Saloh Angliya Premyer Ligasi tarixidagi eng yaxshi assistentlar ro‘yxatida 10-o‘ringa ko‘tarildi.
29-dekabr, yakshanba kuni, APLning 19-turida “Liverpul” “Vest Hem”ni 5:0 hisobida mag‘lub etdi. Ushbu o‘yinda Saloh o‘zining 81 va 82-golli uzatmalarini amalga oshirdi va Bekhemni ortda qoldirdi (80).
Hozirda golli uzatmalarni amalga oshirish bo‘yicha, “Manchester Yunayyted”ning sobiq futbolchisi Giggz ro‘yxatda yetakchilik qilmoqda.
APL tarixidagi eng yaxshi assistentlar ro‘yxati:
- Rayan Giggz — 162 uzatma.
- Kevin De Bryuyne — 114 uzatma.
- Sesk Fabregas — 111 uzatma.
- Ueyn Runi — 103 uzatma.
- Frenk Lempard — 102 uzatma.
- Dennis Bergkamp — 94 uzatma.
- David Silva — 93 uzatma.
- Stiven Jerrard — 92 uzatma.
- Jeyms Milner — 89 uzatma.
- Muhammad Saloh — 82 uzatma.
Joriy mavsumda Saloh barcha turnirlar doirasida klub uchun 26 ta o‘yinda maydonga tushib, 20 ta gol va 17 ta golli uzatmaga mualliflik qilgan. Futbolchining klub bilan amaldagi shartnomasi 2025-yilning yozigacha mo‘ljallangan. Transfermarkt portaliga ko‘ra, 32 yoshli futbolchining bozor qiymati 55 million yevroni tashkil qiladi.
Avvalroq klub misrlik futbolchi bilan 2027-yilgacha bo‘lgan yangi shartnoma bo‘yicha muzokaralar olib borayotgani haqida xabar qilingandi.
To‘purar futbolchiga Saudiya Arabistonidan qiziqishlar bo‘lmoqda.
Izoh (0)