Risharlison, Antoni va “Chelsi”ning 5 futbolchisi. APLda joriy mavsumning eng yomon transferlari

Buyuk Britaniyaning Goal nashri Angliya Premyer Ligasida mavsumning eng yomon 10 transferi reytingini e’lon qildi.

Yozda “Everton”dan 58 million yevro evaziga “Tottenhem”ga o‘tgan Risharlison transferi ro‘yxatning birinchi pog‘onasiga loyiq ko‘rildi. Braziliyalik futbolchi APL joriy mavsumida 26 ta o‘yin o‘tkazib, 1 gol va 3 ta golli uzatma amalga oshirdi.

E’tiborlisi, top-10 lik antireytingdan joy olgan transferlarning yarmi “Chelsi”ga tegishli. Londonliklar yoz va qishki transfer oynasida xaridlar uchun katta miqdorda pul sarfladi, biroq jamoa ayni vaqtda liga turnir jadvalining 12-pog‘onasida bormoqda.

1. Risharlison (“Everton”dan “Tottenhem”ga, 58 mln yevro)
2. Mark Kukurelya (“Brayton”dan “Chelsi”ga, 65,3 mln yevro)
3. Kalvin Fillips (“Lids”dan “Manchester Siti”ga, 49 mln yevro)
4. Mixaylo Mudrik (“Shaxtyor”dan “Chelsi”ga, 70 mln yevro)
5. Jessi Lingard (“Manchester Yunayted”dan “Nottingem Forrest”ga, tekin)
6. Antoni (“Ayaks”dan “Manchester Yunayted”ga, 95 mln yevro)
7. Artur (“Yuventus”dan “Liverpul”, ijara)
8. Pyer-Emerik Obameyang (“Barselona”dan “Chelsi”ga, 12 mln yevro)
9. Kalidu Kulibali (“Napoli”dan “Chelsi”ga, 38 mln yevro)
10. Rahim Sterling (“Manchester Siti”dan “Chelsi”ga, 56,2 mln yevro).