Angliya Premyer Ligasida 2022/23-yilgi mavsum yakunlandi. 28-may kuni mavsumning so‘nggi tur o‘yinlari o‘tkazildi.

Jon saqlab qolish uchun kurash

So‘nggi turda ligani tark etadigan uchinchi jamoa nomi aniqlanishi kerak edi. “Lester” ligada qolish uchun o‘z o‘yinini yutish bilan birga, “Everton”ning “Bornmut”ga yutqazishidan umid qilishi kerak edi. “Lester” vazifalardan birini bajardi — motivatsiyasi “Vest Hem” taslim etildi, biroq “Everton” ham g‘alaba qozondi va “tulkilar” quyi ligaga ravona bo‘ldi.

Shu tariqa Angliya oliy divizionida qatorasiga 69 yildan beri muntazam qatnashib kelayotgan “Everton” o‘z seriyasini saqlab qoldi. Bu borada faqat “Arsenal” (97) Liverpul klubidan yaxshiroq natijaga ega.

Oliy divizonda harakat qilish ko‘rsatkichi bo‘yicha umumiy reytingda esa “Everton” yetakchi hisoblanadi — 120 mavsum. Keyingi o‘rinlardan “Aston Villa” (109), “Liverpul” (108) va “Arsenal” (106) joy olgan

“Lester” esa ertaknamo chempionlikdan 7 yil o‘tib APLni tark etmoqda.

Top-4 likdagi yagona intriga

So‘nggi tur oldidan top-4 lik masalasida bitta savol ochiq qolgandi. 3-o‘rinni qaysi jamoa egallaydi: “Manchester Yunayted” yoki “Nyukasl”?

O‘yinlar start olgandan keyin 20 daqiqada davomida “hakkalar” 3-o‘rinda turdi: “Nyukasl” avvaliga “Chelsi”ga gol urdi, “Yunayted” esa “Fulhem”ga qarshi bahsda o‘z darvozasidan to‘p olib chiqdi. Biroq yakun boshqacha bo‘ldi, “Chelsi” muvozanatni tikladi, mankunianlar esa kambek amalga oshirdi.

“Tottenhem” Yevrokuboklardan chetda qoldi, Emeri YKLda javlon uradi

Mavsumning sensatsiyalaridan biri “Tottenhem”ning Yevrokuboklardan chetda qolishi mumkin. Mavsum o‘rtasida YCHLga da’vogar bo‘lib turgan klub yakunda 8-o‘ringa tushib ketdi va kelasi mavsumda Angliyadan tashqarida o‘yin o‘tkazish imkoniyatini yo‘qotdi.

So‘nggi tur oldidan ketma-ket ikki o‘yinni boy bergan “shporlar” 7-o‘ringa chiqish uchun o‘z o‘yinini yutgan holda, “Aston Villa”ning mag‘lubiyatiga umid qilishga majbur edi. “Lids” yirik hisobda mag‘lub etildi (4:1), o‘z navbatida Unai Emeri boshchiligidagi birmingemliklar “Brayton”ni yengishga erishdi (2:0).

Shunday qilib “Tottenhem” 14 yil deganda Yevrokuboklarda o‘ynamaydigan bo‘lsa. Stiven Jerrard iste’fosi vaqtida 17-o‘rinda yurgan “Aston Villa” Emeri kelgach so‘nggi 13 yildagi eng yaxshi natijasini qayd etgan holda Konferensiyalar Ligasiga yo‘llanma oldi.

Premyer Liga 2022/23-yilgi mavsumi natijalari:

• Chempion: “Manchester Siti”
• YCHLga yo‘l olganlar: “Manchester Siti”, “Arsenal”, “Manchester Yunayted”, “Nyukasl”
• Yevropa Ligasiga yo‘l olganlar: “Liverpul”, “Brayton”
• Konferensiyalar Ligasiga yo‘l olganlar: “Aston Villa”
• Ligani tark etganlar: “Sauthempton”, “Lids”, “Lester”
• APLga yo‘llanma olganlar: “Byornli”, “Sheffild Yunayted”, “Luton Taun”.