Portugaliyalik futbolchi Nani faoliyatini yakunladi.
Yarim himoyachi bu haqda ijtimoiy tarmoqdagi videomurojaatida maʼlum qildi.
“Xayrlashish vaqti keldi, men professional futbolchi sifatidagi faoliyatimni yakunlashga qaror qildim. Bu ajoyib sayohat bo‘ldi va 20 yildan ortiq davom etgan karyeramda qiyin damlarda menga yordam berib qo‘llab-quvvatlagan hamda menga unutilmas xotiralar bergan har bir insonga minnatdorchilik bildirmoqchiman. Yangi maqsadlar va orzularga eʼtibor qaratish vaqti keldi. Ko‘rishguncha! Rahmat”, degan u.
Maʼlumot uchun, portugaliyalik futbolchi faoliyati davomida “Sporting”, “Manchester Yunayted”, “Fenerbahche”, “Valensiya”, “Latsio”, “Orlando Siti”, “Venetsiya”, “Melburn Viktori”, “Adana Demirspor” va “Eshtrela” jamoalarida o‘ynagan.
U manchesterliklar safida 4 marta APL chempioni bo‘lgan. Shu bilan birga, 2007/08 yilgi mavsumda Chempionlar Ligasida g‘olib bo‘lgan.
Nani Portugaliya milliy jamoasi safida 112 ta o‘yin o‘tkazgan va Yevro-2016 da chempion bo‘lgan.
Izoh (0)