“Kalmar o‘yini”ning ikkinchi mavsumi namoyish etilgandan bir necha kun o‘tgach Netflix striming xizmati mazkur serialning kadrorti suratlarini e’lon qildi. Unda rejissyor va aktyorlar guruhi filmdagi syujetdan mutlaq o‘zgacha kayfiyatda tasvirlangan.
Suratlarda Li Jong Je, Li Byon Xon, Kang Ha Nil, Li So Xvan va Cho Yu Ri kabi aktyorlar jamoaviy o‘yin sahnasiga tayyorlanayotgani ko‘rsatilgan bo‘lib, suratga olish jarayonini kutayotgan paytda jilmayib rasmga tushgan.
Ayniqsa, Li Jong Je va Kang Ha Nilning sokin va quvnoq yuz ifodalari serialning tahlikali foniga qarama-qarshi bo‘lganligi muxlislarning e’tiborini tortdi. Hatto Li Chin Uk ismli sirli qahramonini ijro etgan aktyorning ham samimiy tabassumi serial muxlislarini jalb qilgan. Shuningdek, suratlarda T.O.P, Che Guk Xi, Von Ji An va Kon Yu kabi yulduzlarni ham ko‘rish mumkin.
“Kalmar o‘yini” serialining uchinchi mavsumi joriy yilda Netflix platformasida namoyish etilishi rejalashtirilgan.
Serial syujeti
Ikkinchi mavsumda Ki Xun birinchi mavsumdagi o‘yinlarda g‘olib bo‘lganidan keyin yirik miqdordagi pulni qo‘lga kiritgan edi. Ammo u bu safar o‘yinlarni tashkil qilgan sirli tashkilotdan qasos olishni rejalashtiradi. Ikkinchi mavsumda Ki Xun tashkilot ichki tizimini aniqlashga urinadi. Yangi mavsumda o‘yinlar yanada murakkab va xavfli bo‘lib, yangi qoidalar va sinovlar orqali tomoshabinlarni hayratda qoldiradi.
Asosiy aktyorlar
- Li Jong Je — Ki Xun, birinchi mavsum g‘olibi. O‘yin tashkilotchilariga qarshi kurashadi;
- Vi Ha Jun — Hvang Jun Ho, politsiyachi bo‘lib, u sirli tashkilot haqida yangi ma’lumotlarni ochishga urinadi.
Qiziqarli voqealar
Yangi o‘yinlar: Har bir yangi epizodda hayot uchun kurash bo‘ladigan yangi va dahshatli o‘yinlar kiritilgan. O‘yin qoidalari oddiy bo‘lsa-da, omon qolish yanada qiyinlashgan.
O‘yin tashkilotchilari haqida: Ikkinchi mavsumda o‘yinni tashkil etgan rahbariyat va ularning sirlari haqida ko‘proq ma’lumot olish mumkin bo‘ladi.
Ki Xun obrazining o‘zgarishi: U shunchaki omon qolish uchun emas, balki adolatni tiklash uchun kurashadi, bu uning xarakterini chuqurroq ochib beradi.
Izoh (0)