Amerikaning Netflix platformasi o‘zining rasmiy YouTube kanalida “Kalmar o‘yini” seriali ikkinchi faslining treylerini joyladi.
Ikkinchi mavsumda serialning birinchi qismidagi o‘yinda g‘olib bo‘lgan bosh qahramon — 456-raqamli ishtirokchi Son Ki Xun ishtirok etadi. U beshafqat o‘yinlar tashkilotchisidan o‘ch olish hamda halokatlarga olib keluvchi dahshatli voqealarni to‘xtatish maqsadida Kalmar o‘yiniga qaytadi.
“Men bu o‘yinga chek qo‘ymoqchiman”, deydi qahramon videoda.
Filmdagi voqealar birinchi qism tugaganidan uch yil o‘tgach sodir bo‘ladi. Unda o‘yin tashkilotchisining qanday qilib bu ishlarga aralashib qolgani haqida ham so‘z yuritiladi.
“Albatta, serialdagi ushbu hikoya tomoshabinlarning unga hamdard bo‘lishiga olib kelmaydi, ammo serial mazmunini va tashkilotchi nega bunday tanlov qilganini yaxshiroq tushunishga yordam beradi”,
dedi aktyor Li Ben Xon.
Janubiy Koreya serialining ikkinchi fasli premyerasi joriy yilning 26-dekabriga belgilangan.
“Kalmar o‘yini” ning uchinchi mavsumi 2025-yilda premyera qilinishi kutilmoqda, bu mavsum serial uchun oxirgisi bo‘ladi.
“Kalmar o‘yini”da katta pul mukofoti va’da qilingan o‘yinda omon qolish uchun shafqatsiz sinovlarda qatnashishga majbur bo‘lgan va qarzga botgan bir guruh odamlar haqida hikoya qiladi. Serial ishtirokchilarni bolalar o‘yini asosida tuzilgan bir nechta halokatli o‘yinlarda ishtirok etadi. Har bir mag‘lubiyat o‘limni anglatadi.
Serial rejissyori va ssenariy muallifi Xvang Don Xek loyiha g‘oyasini 10 yildan ortiq vaqt davomida ishlab chiqqan, biroq Netflix ko‘magidagina uni ekranda jonlantirishga muvaffaq bo‘lgan. 2021-yil sentyabrda chiqqan mazkur serial butun dunyo bo‘ylab millionlab tomoshalarni yig‘di va platformaning eng muvaffaqiyatli loyihalaridan biriga aylandi.
Izoh (0)