“Kalmar o‘yini” serialining uchinchi mavsumi qachon chiqadi va u qanday yakunlanadi? (tizer)

Rejissyor Xvan Don Xek tomonidan suratga olingan “Kalmar o‘yini” serialining ikkinchi mavsumi ekranlarga chiqqach, loyihaning final qismi qanday bo‘lishiga ko‘plab tomoshabinlar qiziqa boshladi. Quyida Netflix’ning mashhur seriali uchinchi mavsumining mazmuni haqida qisqacha ma’lumot beramiz.

Uchinchi mavsumda Son Ki Xun taqdiri qanday kechadi?

2-mavsumda avvalgi o‘yindan uch yil o‘tgach sodir bo‘lgan voqealar yoritiladi. Unda o‘yin g‘olibi Ki Xun yutuq puliga maxsus kishilarni yollab, o‘yin tashkilotchisini izlab topishni va bunday shafqatsizlikka chek qo‘yishni maqsad qiladi. So‘ng unga boshlovchi Xvan In Xoning ukasi, politsiya xodimi Xvan Chun Xo yordam berishga kirishadi. Natijada Ki Xun yana bir bor so‘nggi — 456-raqamli ishtirokchi sifatida o‘yinga kiritiladi. Uning sheriklari esa o‘yinlar bo‘lib o‘tayotgan orolni qidirishga tushadi. Ularga kapitan Pak yordam beradi.

7-qismda Ki Xun ittifoqchilar jamoasini yig‘adi. Unga o‘zini oddiy o‘yinchi sifatida tanishtirgan In Xo va Ki Xunning eng yaqin do‘sti Chon Be ham qo‘shiladi. Ular birgalashib o‘yin tashkilotchilariga tegishli qurollarni olib, dushmanlarga qashi kurashadi, biroq In Xo asl yuzini ko‘rsatadi va Chon Beni hamda Ki Xunning barcha tarafdorlarini otib tashlaydi.

“Kalmar o‘yini”ning 3-mavsumida Ki Xunning sinovlari davom etadi. Serial rejissyori Xvan Don Xekning aytishicha, yangi epizodlarda Ki Xun sheriklarining o‘limida o‘zini aybdor his qiladi. Bundan tashqari, muvaffaqiyatsizlikka uchragan ishtirokchi tushkunlikka tushadi va u bunday shafqatsiz tizimga qarshi kurashish befoyda deb o‘ylanib qoladi. Ammo bu safargi o‘yinda iloji boricha ko‘proq odamlar omon qolishiga yordam berishga harakat qiladi. Baxtga qarshi, ba’zi ishtirokchilarni boshqarish, ularga o‘yin sir-asrorlarini o‘rgatish Ki Xun uchun qiyinroq bo‘ladi, chunki atrofdagilar undan shubhalana boshlaydi. 2-mavsum finalidagi otishmadan keyin uning ko‘plab raqiblari omon qoladi.

Chun Xo o‘yin bo‘lib o‘tayotgan orolni qanday topadi?

Chun Xo 1-mavsumdagi voqealardan keyin uch yil davomida o‘yinlar bo‘lib o‘tadigan orolni izlab topishga harakat qildi. Bunda politsiyachiga uni bir vaqtlar qutqargan kapitan Pak yordam beradi. Biroq 2-mavsumning 7-qismida Pakning xoin ekanligi tasdiqlanadi. Unga boshlovchi tomonida ukasini oroldan uzoqroq saqlash topshirig‘i berilgan bo‘ladi. So‘ng yollanma askarlardan biri kapitanni tutib oladi va uni o‘ldiradi. Chun Xoning orolni izlab topishiga aynan Pak xalaqit bergan bo‘lib chiqadi. 3-mavsumda Chun Xo, albatta, Pakning uydirmalarini fosh qiladi va uni Kalmar o‘yini qayerda joylashganligini ko‘rsatishga majbur qiladi.

Noel Ken Sokni qutqara oladimi?

2-mavsumdagi soqchilar orasida Shimoliy Koreyalik qochqin Ken Noel ham bor edi. Bu orada soqchilar yutqazgan o‘yinchilarning a’zolarini sotishda davom etayotgani ma’lum bo‘ladi. Ular 011 raqamli soqchi — Ken Noelni ham jamoasiga qo‘shishni istaydi, ammo qiz buni rad etadi.

Noel o‘yinchilar orasida do‘sti Pak Ken Sokni tanib qoladi. U saraton kasalligiga chalingan qizini davolash uchun pul topish maqsadida o‘yinga kelgan bo‘ladi. Noel uning qizini shaxsan taniydi va hatto u bilan do‘stlashishga ulgurgan bo‘ladi. Bundan tashqari, uning o‘zi ham Shimoliy Koreyada qolgan farzandini sog‘inadi. Ken Sok esa Ki Xun jamoasiga kiradi. Ammo Noel qo‘riqchi sifatida uni otishga majbur bo‘ladi

“Kalmar o‘yini”ning 3-faslida qanday o‘yinlar bo‘ladi?

2-mavsum finalining so‘nggi sahnalarida uchinchi mavsumdan qisqa kadrlar ko‘rsatiladi. Unda “Qanchalik shovqinsiz ketsangiz, shunchalik uzoqqa borasiz” o‘yinidan lavha beriladi. Qiz qo‘g‘irchoqqa yangi bir o‘g‘il bola shaklida qo‘g‘irchoq ham qo‘shiladi. Xvan Don Xek bu 3-mavsumdagi eng katta va qizg‘in o‘yin bo‘lishini ta’kidlaydi. Mazkur turnirda jami oltita o‘yin o‘tkaziladi. Ulardan uchtasi 2-mavsumda ko‘rsatilgan.

“Kalmar o‘yini”ning 3-fasli qachon chiqadi?

Janubiy Koreya mashhur serialining so‘nggi 3-mavsumi 2025-yilda chiqishi rejalashtirilgan. Uning rejissyori loyiha premyerasi taxminan yoz faslining oxiri yoki kuz faslining boshida bo‘lishi kerakligini aytgan.