Hayot-mamot o‘yinlari film va teleseriallar uchun qiziqarli mavzu. Koreya sanoati bundan to‘liq foydalanmoqda, ayniqsa dunyodagi eng mashhur “Kalmar o‘yini” dramasining g‘alabali muvaffaqiyatidan keyin.
“Ajal o‘yini”, 2020-2022/Yaponiya
Omadsiz geymer va ikki do‘st Tokioning muqobil versiyasiga tushib qoladi, ular shafqatsiz musobaqalarda o‘z hayotlari uchun kurashishlari kerak.
“Zulm darsi”, 2012/Yaponiya
Seyji Xasumi ajoyib obro‘ga ega eng mashhur o‘qituvchi. Ammo hech kim uning haqiqiy psixopat ekanini bilmaydi. Maktabda zo‘ravonlik kuchayganda Seyji muammo chiqarganlarni osonlik bilan yo‘q qilib qutuladi.
“Yolg‘onchilar o‘yini”, 2014/Janubiy Koreya
O‘n milliard von mukofot puli qo‘yilgan realiti-shouda daho firibgar Cha Vu Jin va sodda kollej talabasi Nam Da Jon ishtirok etadi. Shou sharti juda noodatiy: tanlov ishtirokchilari bir-birini aldashi va yolg‘on gapirishi kerak. Boshqalarni aldagan kishi g‘alaba qozonadi.
“Tanlangan”, 2018-2019/Xitoy
Doktor Day Huan oilasi bilan Avstraliyaga boradi. Birinchi kechada unga bir quti keladi. Ma’lum bo‘lishicha, uni ochgani uchun u o‘yinda ishtirok etishga majbur bo‘ladi: yaqinlarini qutqarish uchun u fotosuratdagi odamni o‘ldirishi kerak.
“Oq Rojdestvo”, 2011/Janubiy Koreya
Rojdestvo ta’tili boshlangach, elita maktab-internatidan yetti nafar o‘quvchidan
tashqari barcha talabalar uylariga ketadi. Qolgan 7 ta o‘quvchining har biriga kimdir o‘lishi haqida anonim xat keladi. Talabalar bu maktublar hazil emasligi va qotil ular orasida ekanini tushunib yetishadi.
“O‘lim bilan tugaydigan o‘yin”, 2010/Yaponiya
13 kishi qochib qutulish imkoniyati bo‘lmagan zindonda uyg‘onadi. Yigitlar ular qandaydir labirintda ekanliklarini tushunishadi, u yerda kirish yoki chiqish yo‘llari yo‘q, shunchaki boshi berk ko‘chalar. Shunda ular bir umr o‘zaro kurash olib borishlari ma’lum bo‘ladi — o‘ldirasan yoki o‘lasan.
Izoh (0)