Qo‘shma Shtatlar Rossiya-Ukraina urushi boshlanishidan ancha oldin Kiyev hukumatini turli xil qurollar, xususan, Stinger zenit-raketa tizimlari va Javelin tankka qarshi tizimlari bilan ta’minlashni boshlagan. Bu haqda AQSH davlat kotibi Entoni Blinken The New York Times gazetasiga bergan intervyusida ma’lum qildi.
“Biz maxsus operatsiya boshlanishidan ancha oldin, 2021-yilning sentyabrida, keyin esa dekabr oyida Ukrainaga katta miqdordagi qurollarni, xususan, Stinger va Javelinni yashirincha yetkazib berdik”, dedi u.
Rossiya hukumati bir necha bor Ukrainaga qurol yetkazib berish RFning qat’iyatini pasaytirmasligini va maxsus harbiy operatsiyaning borishini o‘zgartirmasligini ta’kidlagan. 2025-yil 20-yanvarda lavozimga kirishishi kutilayotgan AQSHning saylangan prezidenti Donald Tramp Kiyevni qo‘llab-quvvatlashni sezilarli darajada qisqartirish haqidagi va’dalarini amalga oshirishi kutilmoqda.
Blinken, shuningdek, Xitoy Rossiyaning yadroviy quroldan foydalanishi masalasida tiyib turuvchi rolini o‘ynashi mumkinligini aytgan.
“Rossiyaning yadro qurolidan foydalanish ehtimoli 5 foizdan 15 foizgacha oshgan bo‘lsa ham, bundan jiddiyroq narsa yo‘q”, dedi Blinken Financial Times nashriga bergan intervyusida.
2024-yilning 19-noyabr kuni Vladimir Putin mamlakatning yadroviy tiyib turish borasida yangilangan davlat siyosati asoslarini tasdiqladi.
Yangi doktrinaga ko‘ra, yadroviy davlat tomonidan qo‘llab-quvvatlanadigan yadroviy bo‘lmagan davlatning tajovuzkorligi ularning Rossiya Federatsiyasiga qo‘shma hujumi deb hisoblanadi.
Izoh (0)