Россия ва Украина ўртасида тинчликка 2025 йил 20 апрелгача эришилиши мумкин. Бу ҳақда Британиянинг Sky News телеканали ўз манбаларига таяниб хабар берди.
Манбага кўра, тинчликка эришиш христианларнинг Пасха байрамидан олдин амалга ошиши мумкин.
Россия ва Украина ўртасидаги кенг кўламли уруш 2022 йилнинг 24 февралида бошланган. Аввалроқ Украина президенти Владимир Зеленский уруш 2025 йилда тугашига умид қилишини айтган эди.
Аввалроқ Financial Times Россия ва Украина ўртасидаги уруш бўйича ўз прогнозларини эълон қилганди. Унга кўра, Россия 2025 йилда кескинроқ санкциялар таҳдиди остида Украина билан тинчлик шартномаси тузади.
Нашрнинг фикрича, келишувга эришиш учун АҚШнинг сайланган президенти Дональд Трамп Киевни қўллаб-қувватлашни кучайтириши керак бўлади.
Украина президенти Владимир Зеленский подкастер Лекс Фридманга берган интервьюсида Россияга ҳудудий ён босиш шартини айтганди.
“НАТО Украинага қонуний равишда таклиф қилинмоқда ва биз Украинанинг бошқа ҳудудларини тан олмасак-да, НАТО Украина назоратидаги қисмда фаолият юритиши мумкин. Бу ҳақда келишиб олса бўлади. Бунга ишончим комил”, деди Зеленский.
Президент аниқлик киритиб, бундай сценарий фақатгина Украина урушни тугатишнинг дипломатик йўлини кўргандагина амалга ошиши мумкинлигини айтган.
Изоҳ (0)