Ukrainaning g‘arbiy hududlari keng ko‘lamli urush boshlanganidan beri Rossiya armiyasining eng ommaviy hujumiga duchor bo‘ldi. Bu haqda mahalliy hokimiyat ma’lum qildi.
G‘arbiy Ukrainaga hujum
“13-dekabr kuni ertalab Prikarpatiya keng ko‘lamli urush boshlanganidan beri eng yirik hujumga duchor bo‘ldi. Tongda dushman dronlar va qanotli raketalardan foydalandi. Muhim infratuzilma obyektlari nishonda turibdi”, dedi Ivano-Frankovsk viloyat harbiy boshqarmasi rahbari Svetlana Onishuk.
Uning so‘zlariga ko‘ra, qurbonlar yo‘q, biroq raketalarning bir qismi o‘z maqsadiga erishgan.
“Dushman viloyatimizdagi energetika obyektlariga hujum qildi! Xayriyatki, hozirda jabrlanganlar haqida ma’lumot yo‘q”, dedi Lvov viloyat harbiy boshqarmasi rahbari Maksim Kozitskiy.
Uning qayd etishicha, mintaqada o‘qqa tutilishi munosabati bilan elektr ta’minotidagi uzilishlar jadvaliga o‘zgartirishlar kiritiladi. Ukrainaning Kirovograd va Ternopil viloyatlari harbiy ma’muriyatlari rahbarlari ham o‘qqa tutilgani haqida xabar bergan.
Ukraina Energetika vazirligi xabar berishicha, bu mamlakatning fuqarolik energetika infratuzilmasi obyektlariga qarshi joriy yilda amalga oshirilgan 12-yirik hujum bo‘ldi.
Bugungi kunda energiya ta’minotida qo‘shimcha cheklovlar joriy etilgan. Bugun energiya ta’minotiga qo‘shimcha cheklovlar joriy etildi. DTEK energetika xoldingi issiqlik elektr stansiyalariga hujum qilingani va uskunalarga jiddiy zarar yetkazilgani haqida xabar berdi. Biroq bu qaysi hududda sodir bo‘lganiga aniqlik kiritilmagan.
Ukraina prezidenti Vladimir Zelenskiyning aniqlik kiritishicha, birgina 13-dekabrga o‘tar kechasi Rossiya armiyasi Ukrainaga qarata 93 ta raketa, jumladan qanotli va ballistik raketalar, shuningdek, 200 ga yaqin dronlar uchirgan.
“81 ta raketani tutib olish mumkin bo‘ldi, ulardan 11 tasi F-16 qiruvchi samolyotlari yordamida urib tushirildi”, dedi Ukraina prezidenti.
Izoh (0)