Osiyo futbol konfederatsiyasining Kuala-Lumpurdagi qarorgohida Elit Osiyo Chempionlar Ligasi musobaqasi uchun qur’a tashlash marosimi bo‘lib o‘tdi.
24 ta jamoa qatnashadigan turnirda O‘zbekiston sharafini “Nasaf” himoya qiladi. Qur’a natijalariga ko‘ra, qarshiliklar g‘arbiy mintaqadagi 12 ta jamoaning 8 tasi bilan o‘ynaydi. Uchrashuvlarning 4 tasi Qarshidagi “Markaziy” stadionda bo‘lib o‘tsa, yana 4 tasi safarda o‘tkaziladi.
Quyida “Nasaf”ning raqiblari bilan tanishishingiz mumkin:
Uyda:
- “Traktor” (Eron)
- “Al-Shorta” (Iroq)
- “Al-Hilol” (Saudiya Arabistoni)
- “Al-Vahda” (BAA)
Safarda:
- “Shabab Al-Ahli” (BAA)
- “Al-Ahli” (Saudiya Arabistoni)
- “Sharja” (BAA)
- “Al-Ittihod” (Saudiya Arabistoni)
Ma’lumot uchun, musobaqaning g‘arbiy mintaqasidagi 1-tur uchrashuvlari 15-16-sentyabr kunlari start olsa, sharqiy mintaqada 16-17-sentyabr kunlariga belgilangan.
Musobaqaning amaldagi g‘olibi Saudiya Arabistonining “Al-Ahli” klubi hisoblanadi. Jiddalikar 2024-25-yilgi Elit Osiyo chempionlar Ligasi finalida Yaponiyaning “Kavasaki Frontale” klubini 2:0 hisobida mag‘lubiyatga uchratgan.
Izoh (0)