Dunyo tan olgan eng sevimli aktrisalardan biri Jennifer Eniston o‘zining maxfiyligi bilan ham tanilgan. Aktrisa uzoq yillik faoliyati davomida shaxsiy hayoti haqidagi tafsilotlarni omma bilan bo‘lishmaslikka va turli nizolardan masofa saqlashga harakat qilgan. Ehtimol, shu sababli Eniston xarid qilgan uylarning bari Gollivuddan uzoqda joylashgan.
Eniston 2011-yildan beri Kaliforniya shtati, Los Anjeles shahridagi hashamatli uyida yashab kelmoqda. Yulduzning yangi villasi mahalliy tadbirkorlar orasida mashhur bo‘lgan Bel Air hududida joylashgan. Quyida mazkur uy interyeri bilan yaqindan tanishamiz.
Uy arxitekturasi 1965-yilda Kuinsi D Jones tomonidan mid-century modern uslubda ishlab chiqilgan. O‘sha davrda bunday uslub Gollivud arxitekturasining eng ilg‘or yo‘nalishi hisoblangan.
Bino 1965-yilda qurilgan va 2011-yilda aktrisa uyda to‘liq ta’mirlash ishlarini amalga oshirgan. Endilikda xonadon to‘rtta yotoqxona, oltita hammom, vino saqlanadigan yerto‘la, suzish havzasi va mehmonlar uchun alohida kichik uydan iborat.
Interyerda foydalanilgan turli materiallar, to‘qimachilik va qo‘l mehnati buyumlari Los-Anjelesdagi villaning dizaynini chinakamiga noyob qiladi. Tartib va nafis did bilan tanlangan mebel va san’at asarlari uyga o‘zgacha ko‘rk bag‘ishlaydi.
-U9FD5Ufm.jpeg)
-HPpQSmtY.jpeg)
Jennifer uyi to‘liq ta‘mirdan o‘tishidan avval interyer-dizayner Stiven Shendliga yog‘och, tosh va bronzani yaxshi ko‘rishini aytgan va dizayner loyihada mazkur materiallardan ustalik bilan foydalangan. Natijada o‘tgan asr o‘rtalari dizayniga xos mebel va qo‘lda ishlangan devor gulqog‘ozlari ajib eklektik muhitni yaratgan. Bar maydoniga ega mehmonxona alohida e’tiborga loyiqdir.
Hammomning verandasida kichik terrasa bor, bunday shohona muhitni faqatgina premium SPA salonlarida uchratish mumkin.
Ma’lumot uchun, “Do‘stlar” sitkomining yulduzi Jennifer Eniston “Emmi” va “Oltin globus” mukofotlari sovrindoridir. U ko‘proq komedik rollari bilan tanilgan: “Tonggi shou” serialidagi roli uchun Jennifer Screen Actors Guild mukofotiga sazovor bo‘lgan. Aktrisa “Xiyonatning bahosi”, “Do‘stdan ortiqroq”, “Mish-mishlarga ko‘ra” kabi filmlarda rol o‘ynagan.
Izoh (0)