Gollivud aktyori Tom Henks joriy yilning 9-iyul, seshanba kuni 68 yoshga to‘ldi. Shu munosabat bilan uning rafiqasi Rita Uilson aktyorning xonadonida tushgan oilaviy fotosurati bilan bo‘lishdi va go‘zal tabrik qoldirdi.
Suratda Henks uyining musiqaga bag‘ishlangan sevimli burchagida aks etgan. Xonaning ichki qismi kulrang va och jigarrang tusda tabiiy yog‘ochdan ishlangan. Javonlar yuqoridan pastga qadar turli kitoblar, disklar va vinil plastinalar bilan to‘ldirilgan.
“Uyimizdagi kitob muqovalarini ko‘zdan kechirsangiz, biz tarix, vinil plastinalar va irlandiyalik yozuvchi Meyv Binchining romanlarini qanchalik yaxshi ko‘rib mutolaa qilishimiz ayon bo‘ladi”, deb yozadi Rita va turmush o‘rtog‘ini tug‘ilgan kuni bilan tabrikladi.
Uning iliq tilaklariga hamkasblari ham qo‘shildi va aktrisalardan Julia Roberts, Jennifer Eniston kabi yulduzlar ham go‘zal dil izhorlarini yozib qoldirdi.
Suratda tasvirlangan Tom Henksning uyi Los-Anjelesda joylashgan bo‘lib, juftlik xonadonni 2010-yilda 26 million dollarga sotib olgan. 1996-yilda qurilgan va umumiy maydoni 1300 kvadrat metrdan ortiq bo‘lgan uy nufuzli Pacific Palisades hududida joylashgan.
Izoh (0)