2023-yilda Gollivud dunyosida eng ko‘p haq to‘langan aktyorlar ro‘yxati e’lon qilindi, deya xabar qildi Harper’s Bazaar nashri. Reytingdagi eng kuchli o‘nta aktyor umumiy deyarli 0,5 milliard dollar ishlab topgan. E’tiborlisi, ushbu top-5 talikda doimgidek erkak aktyorlar yetakchilik qilmoqda.
Adam Sendler
Mashhur aktyor Adam Sendler 73 million dollar ishlab topib, ushbu pog‘onada birinchi o‘rinni egalladi. Komediyachi bu pulning katta qismini Netflix bilan hamkorlik shartnomasi va stend-tur konsertlari orqali ishlab topgan.
Margo Robbi
So‘nggi yilda trendga aylangan “Barbi” filmining bosh qahramoni maftunkor aktrisa Margo Robbi 2023-yilning eng ko‘p haq to‘langan aktrisasi bo‘ldi. Aktrisa va prodyuser o‘tgan yilgi faoliyatida umumiy miqdorda 59 million dollar pul ishladi.
Tom Kruz
Faxrli uchinchi o‘rinni aktyor Tom Kruz egalladi. U “Top Gun: Maverik” (2022) filmi va “Uddalab bo‘lmas topshiriq. Qonli hisob-kitob. Birinchi qism” filmlaridan yaxshi daromad oldi.
Mazkur film o‘tgan yil iyul oyida kinoteatrlarda namoyish etilgan. Ushbu relizlar kaskadyorga 45 million dollar foyda keltirdi.
Rayan Gosling
Dunyodagi eng yoqimtoy erkaklardan biri deya tan olingan aktyor Rayan Gosling “Barbi” filmida Ken roli orqali 43 million dollar daromad olgan. Shuningdek, hitga aylangan “I’m just Ken” saundtreki ham aktyorga yuqori foyda keltirgan.
Eng katta gonorar oladigan Gollivud aktyorlari ro‘yxatiga Mett Deymon, Jennifer Eniston, Leonardo Di Kaprio, Ben Afflek va Denzel Vashington kabilar ham kiritilgan.
Izoh (0)