“Do‘stlar” seriali hanuzgacha tarixdagi eng qimmat serial bo‘lib qolmoqda — bitta epizod (jami 234 ta bo‘lgan) prodyuserlarga 10 million dollarga tushgan, ammo “Taxtlar o‘yini” 74 qism bilan cheklanmaganida, bu loyiha albatta rekordni yangilagan bo‘lardi.
“Taxtlar o‘yini”
HBO Jorj R.R.Martinning romanlari asosidagi serialning birinchi mavsumini taqdim qilganida har bir epizodning narxi 6 million dollarni tashkil etgan, ammo “Taxtlar o‘yini”ning sakkizinchi va so‘nggi mavsumida bir epizodning narxi 15 million dollarga ko‘tariladi.
Agar “Taxtlar o‘yini”ning davomiyligi afsonaviy “Do‘stlar” sitkomiga (234 epizod) qiyoslansa, HBO’ning ushbu loyihasi, albatta, insoniyat tarixidagi eng qimmat serialga aylanardi. Ammo hali ham “Do‘stlar” yetakchilik qilmoqda.
“Ajabtovur ishlar”
“Ajabtovur ishlar”ning bitta epizodi prodyuserlarga taxminan 30 million dollarga tushgan — ushbu serial Netflix’da hit bo‘ldi.
Milli Bobbi Braun, Vaynona Rayder va Devid Harbor kabi yetakchi aktyorlar har bir epizod uchun taxminan 350 000 dollar maosh olgan, shuni aytish kerakki, ularning gonorarlari 5-mavsumda ko‘tarilishi mumkin, bu esa filmning ishlab chiqarish xarajatlarini yanada oshiradi.
“Toj”
Saroylar, ajoyib liboslar, eski avtomobillar, chiroyli pardoz, hashamatli kechki ovqatlar va ziyofatlar — tarixiy dramalar har doim prodyuserlardan katta byudjet talab qiladi. Netflix loyihasi bo‘lgan “Toj” ushbu janrdagi eng qimmat serialdir. Yelizaveta II va Britaniya qirollik oilasi hayoti haqida hikoya qiluvchi loyihaning bir epizodi narxi taxminan 13 million dollarni tashkil etadi.
Misol uchun, 2023-yilda chiqarilgan beshinchi mavsumning umumiy qiymati 143,3 million dollarni tashkil etgan, har bir fasl atigi 10 qismdan iborat bo‘lib, bu bir epizodning o‘rtacha ishlab chiqarish qiymati taxminan 14 million dollarni tashkil etadi.
“Uzuklar hukmdori: qudrat uzuklari”
Amazon “Uzuklar hukmdori: qudrat uzuklari” filmining birinchi va ikkinchi fasllari uchun 1 milliard dollar sarflagan. Ayni paytda 16 ta epizod chiqdi, ularning har birining narxi taxminan 58 million dollarni tashkil etadi. “Uzuklar hukmdori” filmining barcha qismlarini yaratish bir vaqtlar 281 million dollarga tushgandi — Jon Tolkinga romanlarini filmga moslashtirish huquqi uchun 250 million dollar to‘langan xolos.
“Tonggi shou”
Apple TV+ ning eng muvaffaqiyatli seriallaridan birida ajdarlar, elflar, bejirim liboslar, hashamatli saroylar yoki qiziqarli janglar yo‘q, lekin unda Jennifer Eniston va Riz Uizerspun kabi yulduzlar bor. Shu sababli “Tonggi shou” bitta epizodining narxi 15 million dollarga tushgan, Eniston va Uizerspun esa 1,2 million dollar olgan.
“Tonggi shou”ning jami 31 ta epizodi efirga uzatiladi, bu esa butun Apple TV+ serialini ishlab chiqarish “Uzuklar hukmdori”ning bir fasli bilan barobar qimmatga tushadi. Agar Eniston “Do‘stlar” serialidagi ishtiroki uchun xuddi shunday gonorar olganida edi, ehtimol u hozir Yer yuzidagi eng boy odam bo‘lardi.
“Qal’a”
Loyihaning har bir epizodi narxi 50 million dollarni tashkil etganiga qaramay, muxlislar orasida mashhurlikka erisholmagan serial. Filmda bosh rollarni ijro etgan Richard Madden va Priyanka Chopra ham aktyorlik mahoratlari bilan tomoshabinlarni ishontira olmadi. Ushbu serialning katta byudjetini hisobga olgan holda Prime Video’ning asosiy muvaffaqiyatsizligi deb hisoblash mumkin.
“Ajdaho uyi”
“Ajdaho uyi” seriali striming xizmatiga platformaning original hitiga qaraganda qimmatga tushgan. Hozirda 20 ta epizod ekranlarga chiqqan, ularning har birining byudjeti 20 million dollarni tashkil etadi. “Ajdaho uyi” eng ko‘p ko‘rilgan HBO seriallaridan biriga aylanganini (birinchi epizodni 10 million tomoshabin ko‘rgan) hisobga olsak, bunday xarajatdan ajablanmasa ham bo‘ladi.
“Vanda/Vijn”
“Vanda/Vijn” miniseriali “Mandaloriyalik”dan keyin ikkinchi eng qimmat Disney+ loyihasidir. Ushbu serialning bir epizodi narxi taxminan 25 million dollarni tashkil etadi, Marvel hitlar ishlab chiqarishni hech qachon kamaytirmagan: masalan, “Qasoskorlar: intiho” filmining byudjeti 400 dollarni tashkil etgan va film kassada taxminan 1,1 milliard dollar ishlab topgan. Agar “Vanda/Vijn” seriali yaratuvchilari atigi to‘qqiz qism bilan cheklanmaganida edi, bu loyiha ishlab chiqarish narxi bo‘yicha yetakchilardan bo‘lardi.
Izoh (0)