Sevgidan nafratgacha bir qadam. Muvaffaqiyat va shon-shuhrat har doim do‘st bo‘lgan bu Gollivud yulduzlariga hamroh bo‘lib kelgan, ular tez orada ashaddiy raqib va hatto dushmanga aylanishiga shubha qilmagan.
Anjelina Joli va Jennifer Eniston
Jennifer Eniston mashhur “Do‘stlar” teleserialidagi qahramoni kabi har doim atrofidagilar bilan qanday do‘st bo‘lishni bilar edi. Ehtimol, mehribonligi tufayli ham eri Bred Pittning “Janob Smit va Smit xonim” filmida suratga tushishiga qarshilik qilmagandir. Kelajakda Anjelina Joli timsolida yaxshi va samimiy dugona topishga umid qiladi, ammo aksincha bo‘lib chiqadi.
Keyinchalik ma’lum bo‘lishicha, Anjelina Jennifer bilan do‘st bo‘lishga emas, balki uning eri Bredga ko‘proq qiziqqan ekan. Bundan tashqari, Joli suratga olish maydonchasida u bilan munosabatda bo‘lishdan uyalmaydi. Pitt ham sevgida tajribaga ega bo‘lgan aktrisaga qarshilik ko‘rsata olmaydi.
Tushkunlikka va sarosimaga tushgan Jenni voqealarning bunday tus olishini kutmagan, nihoyat hamma narsadan voz kechadi. Natijada Smit xonim filmi real hayotda Pitt xonimga aylanadi. Shuning uchun hamma joyda Jennifer Eniston Anjelina Jolini yoqtirmasligini ochiqchasiga namoyish qiladi.
Albatta, Anjelina Joli Jenniferga hamdardlik bildirmaydi va vaqti-vaqti bilan unga nishini sanchib olishga harakat qiladi. Bir marta Pittning Eniston bilan nikohini zerikarli va achinarli deb atagan. Hatto uning do‘stlari ham yulduzdan bunday gaplarni kutmagan. Biroq Joli va Pittning munosabatlari uzoq davom etmaydi. Ular 2016-yilda ajralishadi.
Kim Kardashyan va Peris Xilton
Gollivud yulduzlari bir vaqtlar juda yaqin do‘st bo‘lgan va hatto sirlarini ham bir-biri bilan o‘rtoqlashgan. Haqiqatan ham, ularning umumiy jihatlari juda ko‘p edi: ikkalasi ham janjallarni va bazmlarni yaxshi ko‘rishardi. Biroq “arzimas narsa” tufayli dugonalar yuz ko‘rmas bo‘lib ketadi.
Kim Kardashyan oriq yulduzlardan juda charchagan Gollivudda muvaffaqiyat qozona boshlaydi. Birinchi marta Peris Xilton eng yaqin dugonasiga hasad qiladi. U shunchalik hasad qilganki, bir marta Kimning figurasi haqida ochiqchasiga salbiy gapirgan. Kim ham, o‘z navbatida, jim turmaydi va Perisga nisbatan bir xil darajada yomon gapiradi. Yengil og‘zaki janglar asta-sekin uzoq davom etgan urushga aylanadi.
Yaxshiyamki, so‘nggi yillarda Kardashyan va Xilton bir-birlarini kamdan-kam ko‘rishadi. Yulduzlar hozirgacha bir-biri bilan gaplashmaydi.
Mayli Sayrus va Selena Gomes
Bir vaqtlar to‘rt mashhur yulduz — Mayli Sayrus, Selena Gomes, Demi Lovato va Teylor Svift dugona edi. Yoqimli ovozga ega qo‘shiqchi Jastin Biber paydo bo‘lguncha, ularning fidokorona do‘stligiga hech narsa tahdid sololmaydiganga o‘xshardi. Jastin Selena Gomesni tanlaganida esa uning sodiq dugonalari orasida yengilgina shov-shuv ko‘tariladi. Yoqimtoy Gomes Jastinga juda mos edi.
Ammo bir kuni kutilmagan voqea Selena Gomesni hayratda qoldiradi. Dugonalaridan biri Mayli Sayrus Selena va Jastin o‘rtasidagi navbatdagi kelishmovchilik paytida to‘satdan yigitga noz-karashma qila boshlaydi. Butun tashqi ko‘rinishi bilan u Jastinni eng yaqin dugonasidan tortib olmoqchiligini ko‘rsatadi. Bu Gomesni ham, qolgan ikki dugonasini ham juda g‘azablantiradi. Ular bir ovozdan Maylini jazolash va unga o‘rnini ko‘rsatib qo‘yish istagida birlashadilar.
Ammo Sayrus ehtiyotkor qiz bo‘lib, ochiq jangda hech qanday imkoniyat yo‘qligini aniq tushunadi va “dushman” tomon bilan aloqa qilmaslikka qaror qiladi. Oradan yillar o‘tdi. Gomes va Biber birga bo‘lisholmaganiga qaramay, yulduzlar yarashib olmagan.
Viktoriya Bekhem va Keti Xolms
Viktoriya va Ketining yaqinlashishida Tom Kruz va Devid Bekhemning do‘st bo‘lganliklari muhim rol o‘ynagan. Ko‘rinishidan, bu ikki ayolning umumiy jihatlari juda oz. Viktoriya muvaffaqiyatli dizayner sifatida tanilgan, bolalariga g‘amxo‘rlik qiladi va ideal britaniyalik oila sifatida tanilgan.
Keti — esa umuman boshqa masala. Tom Kruz va uning tinchligi bir vaqtlar iste’dodli aktrisaning hayotdagi asosiy maqsadi bo‘lgan. Tom injiq, e’tirozlarga toqat qilmaydi va doimo o‘zining gapini o‘tkazadi.
Aytgancha, Xolms Kruzdan ajrashgandan so‘ng, Viktoriya haqiqiy do‘st sifatida Ketini qiyin paytlarda qo‘llab-quvvatlaydi. Keyin esa ikki yulduz o‘rtasidagi do‘stlik birdaniga tugaydi. Ularning ta’kidlashicha, Keti Xolms Viktoriyaning moda uylaridan birida taqdim etilgan kiyim-kechak kolleksiyasini tanqid qilgan. Shundan so‘ng Bekhem xonim munosabatlariga nuqta qo‘ygan.
Izoh (0)