Mashhur aktyorlar badiiy filmlarda ishtirok etgandan ko‘ra teleseriallarni afzal ko‘rishadi. Buning sabablaridan biri: striming xizmatlari tomoshabinlar e’tiborini yangi loyihalarga jalb qilish uchun kino yulduzlariga katta gonorar to‘lashga tayyor.
Elizabet Moss
2022-yilda Apple TV+ da premyerasi bo‘ladigan “Porlayotganlar” filmini o‘tkazib yuborgan bo‘lishingiz mumkin. Kirbi Mazrachi (Elizabet Moss) Chikagodagi gazeta arxivida ishlaydi. Ko‘p yillar oldin u dahshatli hujumga duchor bo‘lgan va undan mo‘jizaviy tarzda omon qolgan. Kirbini o‘ldirmoqchi bo‘lgan odam hali ham topilmagani uchun u ishni o‘z qo‘liga oladi. Elizabet Moss “Porlayotganlar” serialining har bir epizodi uchun 1,1 million dollar olgan.
Kevin Kostner
2018-yilda Kevin Kostner birinchi marta Paramount Network kanalida namoyish etilgan “Yelloustoun” serialida rol o‘ynaydi. Bu Montanadagi ranchoda — Yellountoun milliy bog‘i va xayoliy hindular qo‘riqxonasi Broken Rok o‘rtasida yashaydigan Dattonlar oilasi haqidagi hikoya. Yirik neft ishlab chiqaruvchilar va Broken Rok qabilasining rahbari bu daromadli yer uchun kurashadi. Serialning har bir epizodi uchun Kevin Kostner 1,3 million dollar olgan.
Kris Pratt
“Galaktika qo‘riqchilari” yulduzi Kris Pratt 2022-yilda Jek Karrning shu nomdagi romani asosida Amazon kompaniyasining “O‘lim ro‘yxati” serialida suratga tushadi. Bu o‘z hamkasblarining o‘limi uchun qasos olmoqchi bo‘lgan Jeyms Riz haqidagi detektiv triller. “O‘lim ro‘yxati” asosan Prattning aktyorligiga asoslangan bo‘lib, u, shuningdek, serialning ijrochi prodyuseri sifatida ham ishlagan. Loyihaning har bir epizodi uchun Krisga 1,3 million dollar to‘langan.
Kichik Robert Dauni
2024-yil bahorida afsonaviy janubiy koreyalik rejissyor va prodyuser Pak Chan Vukning “Hamdard” seriali chiqdi. Bundan avval u “Oldboy”, “Tashnalik” va “Ketish qarori” filmlarini yaratgan. “Hamdard” — 1975-yilda Janubiy Vyetnam hukumatining qulashi va buning AQSHga ta’siri haqidagi tarixiy drama. Serialda asosiy rollardan birini, to‘g‘rirog‘i, birdaniga to‘rtta rolni kichik Robert Dauni ijro etgan. Har bir epizod uchun aktyorning gonorari 2 million dollarni tashkil etgan.
Riz Uizerspun
“Tonggi shou” Apple TV+ seriallarining eng qimmat loyihasi hisoblanadi. Striming kompaniyasining strategiyasi loyihalar tomoshabinlar orasida juda mashhur bo‘lishini ta’minlash uchun eng yirik yulduzlar bilan uzoq muddatli shartnomalar imzolashdan iborat. “Tonggi shou”da asosiy rollarni Riz Uizerspun, Jennifer Eniston, Stiv Karell, Billi Krudap va boshqa ko‘plab mashhurlar ijro etgan. Serialning har bir epizodi uchun Uizerspun 2 million dollar olgan.
Jennifer Eniston
Jennifer Eniston “Do‘stlar” teleserialidagi ishtiroki uchun ushbu ro‘yxatga kiritilishi mumkin edi, chunki uning so‘nggi ikki mavsumdagi Reychel roli uchun gonorari 1-1,5 million dollarni tashkil etdi. Ammo “Do‘stlar”ning 10-mavsumi uchun Eniston “Tonggi shou”ning bir faslidan ko‘ra kamroq daromad oldi. Uning gonorari Riz Uizerspunnikidek edi – 2 million dollar. Aytgancha, Eniston va Uizerspunning bunday yuqori gonorar olishi serial muxlislariga yoqmagan. Serial muxlislari buni asossiz yuqori maosh deb bilishgan va Uizerspunning aytishicha, Apple TV+ da aktyorlar suratga olish uchun nega bunday katta pul olishlarini tushunadigan o‘nlab aqlli odamlar ishlaydi. Uning so‘zlariga ko‘ra, negadir odamlar LeBron Jeyms yoki Kobi Brayant kabi basketbolchilarning yuqori narxdagi gonorari tufayli g‘azablanmaydi.
Izoh (0)