Mashhur bo‘lish bu — sovrindor bo‘lish degani emas. Ko‘p yillik mehnat va katta mashhurlikka qaramay, ularning baʼzilari hech qachon “Emmi” mukofotiga sazovor bo‘lmagan. Baʼzida hakamlar hayʼatining qarorlaridan so‘ng g‘oliblar qanday tamoyil asosida aniqlanadi, degan savol tug‘iladi. Nufuzli mukofotga ega bo‘lmagan taniqli yulduzlar haqida.
Emiliya Klark
Aktrisa 2013, 2015, 2016 va 2019-yillarda “Taxtlar o‘yini” filmidagi Deyeneris Targaryen roli uchun “Emmi” mukofotiga nomzod sifatida ko‘rsatilgan, lekin unga omad kulib boqmagan.
Kortni Koks
Ajablanarlisi, Kortni “Do‘stlar” serialidagi beshlikdan o‘n mavsum davomida ham “Emmi” mukofotiga nomzod bo‘lmagan yagona aktrisadir. Faqatgina 2021-yilda Televideniye akademiyasi uni boshqa “Eng yaxshi komediya dasturi” nominatsiyasiga loyiq ko‘rgan.
Xyu Lori
Mukofotga ega bo‘lmagan yulduzlarning ko‘pgina ajoyib rollari bor. Aktyor sakkiz marta “Emmi” nominatsiyasidan joy olgan, lekin biron marta ham g‘olib bo‘lmagan. Doktor Xaus aytganidek, “Rahmat so‘zining aksi nima?”
Keyli Kuoko
Aktrisaning “Katta portlash nazariyasi” filmidagi hamkasbi Jim Parsons Sheldon roli uchun to‘rt marta “Emmi” mukofotini qo‘lga kiritgan bo‘lsa, Keyli Penni roli uchun mukofotga nomzod sifatida ham ko‘rsatilmagan.
Kid Harington
Aktyor “Taxtlar o‘yini” filmidagi Jon Snou roli uchun ikki marta “Emmi” mukofotiga nomzod sifatida ko‘rsatilgan, lekin g‘oliblikni qo‘lga kiritganicha yo‘q.
Mettyu Perri
Marhum aktyor “Do‘stlar” serialidagi Chendler Bing roli faqatgina bitta nominatsiyaga kiritilgan, lekin g‘olib bo‘lish nasib qilmagan. “G‘arbiy qanot” serialidagi va “Ron Klarkning hikoyasi” filmidagi ishtiroki ham mukofot uchun loyiq ko‘rilmagan.
Emi Adams
Olti karra “Oskar” mukofotiga sazovor bo‘lgan aktrisa 2019-yilda “O‘tkir predmetlar” filmidagi roli uchun “Emmi” mukofotiga daʼvogarlik qiladi, lekin yakunda g‘oliblikni qo‘lga kirita olmaydi.
Stiv Karell
Stiv Karell “Ofis” filmidagi Maykl Skott roli uchun olti marta nomzod bo‘lgan, biroq hech qachon g‘olib chiqmagan. Umid qilamizki, komediya ustasining g‘alabalari hali oldinda.
Devid Shvimmer
Aktyor 1995-yilda “Do‘stlar” serialining birinchi mavsumida Ross roli uchun “Emmi” mukofotiga nomzod bo‘lgan, lekin mukofotni qo‘lga kirita olmagan. Aktyor 2016-yilda “Amerika jinoyat tarixi” filmida Kim Kardashyanning marhum otasi Robert Kardashyan roli uchun yana bir marta nominatsiyalar qatoridan joy olgan, afsuski bu safar ham unga g‘oliblik nasib qilmagan.
Mett Leblan
Aktyor yetti marta nufuzli mukofotga nomzod sifatida ko‘rsatilgan. Shulardan uchtasi “Do‘stlar” filmidagi Jou roli uchun hisoblanadi. Unga ham “Emmi”ni olish nasib qilganicha yo‘q. “Do‘stlar” filmidan Liza Kudrou va Jennifer Eniston televideniye mukofotini qo‘lga kiritgan yagona asosiy aktrisalar hisoblanadi.
Izoh (0)