Bugungi kunda ayrim zamonaviy ayollar o‘z baxtini faqat onalik va farzand tarbiya qilish bilan bog‘lamaydi. Zero, ona bo‘lish juda muhim qaror. Bu mas’uliyat hayotni tubdan o‘zgartiradigan qaror bo‘lib, har kim uni shaxsan o‘zi qabul qiladi. Quyida karyerasini asosiy o‘ringa qo‘ygan va o‘zi ta’kidlagandek, farzandsiz ham ajoyib hayot kechirayotgan mashhurlarni ko‘rib chiqamiz.
Mayli Sayrus
Xonanda ekologik muammolar tufayli atrof-muhitning ifloslanganini hisobga olgan holda shunday qarorga kelganini aytadi:
“Biz eng yaxshi dunyoda yashamayapmiz. Farzandim toza sayyorada tug‘ilishiga amin bo‘lmagunimcha, men dunyoga yangi odam keltirishni istamayman”, dedi yulduz.
Sara Polson
O‘zgaruvchan va biroz jizzaki aktrisa o‘zining murakkab xarakteri tufayli farzand ko‘rishdan qo‘rqishini tan olgan. 46 yoshli yulduz har ehtimolga qarshi tuxumdon to‘qimalaridan birini muzlatib qo‘ygan.
Opra Uinfri
Amerikaning eng badavlat ayollaridan biri 2013-yil dekabr oyida Hollywood Reporter nashriga bergan intervyusida nima uchun farzand ko‘rmasligini tushuntirdi:
“Agar farzandlarim bo‘lganida, ular mendan nafratlanardi. Chunki chaqaloqlar bilan yolg‘iz qolishni yomon ko‘raman va ularning ehtiyojlarini tushunmayman. Qolaversa, ishim tufayli ularga vaqtim yetmay qolardi va bolalar bundan qiynalardi”, deya tan oladi Uinfri.
Rene Zellveger
Jurnalistlarga bergan intervyularidan birida aktrisa onalik hech qachon uning hayotidagi ustuvor vazifalardan biri bo‘lmaganini aytgan. “Bridjit Jonsning kundaligi” filmi yulduzi uchun o‘zi sevgan kasb bilan shug‘ullanish va erkin bo‘lish barcha narsadan muhimdir.
Jennifer Eniston
“Do‘stlar” seriali yulduzi yaqin vaqtgacha homiladorligi haqidagi mish-mishlarning eng ko‘p nishonlaridan biri edi. Biroq uning so‘zlariga ko‘ra, nikohida baxtli bo‘lgan bo‘lsa ham (ikki yillik munosabatlardan keyin aktyor Jastin Teru bilan to‘yi 2015-yil avgust oyida bo‘lib o‘tgan), farzandli bo‘lishni xohlamaydi.
“Men homilador emasman va bo‘lmayman ham. Shaxsiy hayot haqida gap ketganda, har kim o‘zi uchun eng yaxshisi nima ekanligini o‘zi mustaqil hal qiladi. Turli mish-mishlarga quloq solmay, ongli ravishda qaror qabul qilaylik. Axir, o‘zini to‘laqonli shaxs sifatida his qilish uchun turmush qurish yoki farzand ko‘rish shart emas. Har bir kishi uchun “baxtli bo‘lish” tushunchasi individualdir”, deydi yulduz.
Izoh (0)