“Do‘stlar” sitkomining yulduzi, “Emmi” va “Oltin globus” mukofotlari sovrindori aktrisa Jennifer Eniston 2011-yildan Los-Anjelesdagi hashamatli uyida yashab kelmoqda. Yulduzning yangi villasi Gollivud yulduzlari va mahalliy tadbirkorlar orasida mashhur bo‘lgan Bel Air hududida joylashgan. Quyida mazkur uy interyeri bilan yaqindan tanishamiz.
Uy arxitekturasi 1965-yilda Kuinsi DJones tomonidan modernistik uslubda ishlab chiqilgan. O‘sha davrda bunday uslub Gollivud arxitekturasining eng ilg‘or yo‘nalishi hisoblangan.
Aktrisa xonadon interyerini tuzishda faol ishtirok etgan:
“Men avvallari biror interyer dizayn va arxitektura shaydosi emas edim, ammo aynan shu villaga qadam qo‘ygach, qayerda yashashni istayotganimni angladim”, — deydi Eniston.
Interyerda foydalanilgan turli materiallar, to‘qimachilik va qo‘l mehnati buyumlari Los-Anjelesdagi villaning dizaynini chinakamiga noyob qiladi. Tartib va nafis did bilan tanlangan mebel va san’at predmetlari uyga o‘zgacha ko‘rk bag‘ishlaydi.
Jennifer Eniston uyi to‘liq ta‘mirdan o‘tishidan avval interyer-dizayner Stiven Shendliga yog‘och, tosh va bronzani yaxshi ko‘rishini aytdi va dizayner loyihada mazkur materiallardan ustalik bilan foydalandi. Natijada o‘tgan asr o‘rtalari dizayniga xos mebel va qo‘lda ishlangan devor gulqog‘ozlari ajib eklektik muhitni yaratdi.
Izoh (0)