Plastik jarrohlik haqidagi fikrlar juda xilma-xil. Ba’zi insonlar buni hayot sifatini yaxshilash va o‘zlarini qulay his qilishning yo‘li deb bilsa, boshqalar esa uni tabiiy go‘zallikni yo‘qotish deb qabul qiladi. Shunday bo‘lsa-da, bu mavzu har doim muhokama markazida bo‘lgan.
Bella Hadid
Hadidning birinchi operatsiyasi rinoplastika bo‘lib, u yuzini tartibli va deyarli etalon holga keltirgan. Namunaviy standartga erishish uchun Bella qosh ko‘tarish, blefaroplastika va lablarini kattalashtirish operatsiyalarini o‘tkazgan. Hadidning sa’y-harakatlari behuda ketmadi — bugun u dunyodagi eng go‘zal ayollardan biri va eng talabgir model hisoblanadi.
Megan Foks
Plastik operatsiyalardan oldin Megan oddiygina yoqimtoy qiz edi. Rinoplastika o‘tkazib, lablariga hajm qo‘shganidan so‘ng Megan Foks yanada jozibador bo‘ldi.
Shuni ta’kidlash kerakki, ko‘plab mashhurlarning plastik operatsiyalari deyarli sezilmaydi. Ba’zi Gollivud yulduzlari plastik operatsiyalarni inkor etadi, go‘zalligi faqat tug‘ma ekanini da’vo qiladi. Biroq bir qator yulduzlar tashqi ko‘rinishi uchun faqat tabiatga emas, balki tajribali mutaxassislarga va o‘z ishining professionallariga rahmat aytishi kerak.
Bleyk Layvli
“G‘iybatchi qiz” seriali yulduzi tabiiy ko‘rinish korreksiyasining ajoyib namunasidir. Bleyk rinoplastika qildirgan, ammo aksariyat yulduzlar singari me’yordan oshirib yubormagan. Uning burni chiroyli va uyg‘un shaklda to‘g‘rilangan. Keyinroq Layvli blefaroplastika — ko‘zlarni kattalashtirish operatsiyasini boshdan o‘tkazdi, shu sababli ham u hozirgacha yosh ko‘rinadi.
Kira Naytli
Kira plastik jarrohlikka qarshi emas, lekin u o‘zining tashqi qiyofasiga jarrohlik aralashganini rad etadi. Biroq ko‘plab jarrohlar undagi o‘zgarishlar operatsiya natijasi ekanligini ta’kidlaydi. Masalan, burnining orqa qismi ingichka bo‘lib, lablari va ko‘zlari kattalashgan. Har bir operatsiya iloji boricha nozik tarzda amalga oshirilgan va Kirani tanib bo‘lmaydigan darajada o‘zgartirmagan, ammo aktrisaning yanada jozibali ko‘rinishiga sababchi bo‘lgan.
Jennifer Eniston
Eniston rinoplastika qildirganini inkor etmaydi, ammo operatsiya nafas olishiga xalaqit bergan burun kanalining egriligi uchun qilinganini aytadi. Biroq normal nafas olish uchun burunning uchini o‘zgartirish va do‘ng joyini olib tashlash shart emas. Nima bo‘lsa ham, yangi burun unga juda yarashgan.
Skarlett Yoxansson
Karyerasining boshida Skarlett plastik jarrohlikning ashaddiy dushmani edi, ammo keyinchalik hamkasblaridan o‘rnak ola boshladi. Yoxansson avval ko‘kragini kattalashtirgach, rinoplastikadan o‘tishga qaror qildi. Va u buni uddaladi — hamma narsa me’yorida va hatto tabiiy ko‘rinadi.
Jennifer Lopes
Jennifer Lopesning plastik operatsiyalari deyarli sezilmaydi. Biroq malakali jarroh darhol uning nozik burnini payqaydi. Jenniferning o‘ziga xos go‘zalligi, shuningdek, sog‘lom turmush tarziga e’tibor berishi uning mashhurligida muhim rol o‘ynaydi. U o‘zining jismoniy ko‘rinishini saqlab qolish uchun muntazam ravishda sport bilan shug‘ullanadi va sog‘lom ovqatlanadi.
Izoh (0)