Joriy yil 8-noyabr kuni Bogota shahrida bolalarga nisbatan zo‘ravonlikning oldini olish bo‘yicha birinchi global vazirlar konferensiyasi yakunlandi.
JSST ma’lumotlariga ko‘ra, har yili dunyodagi bolalarning yarmidan ko‘pi — 1 milliarddan ortiq bola zo‘ravonlikka duchor bo‘ladi. Konferensiya natijasida 100 dan ortiq davlat bolalarga nisbatan zo‘ravonlikning oldini olish bo‘yicha majburiyatlarni o‘z zimmasiga oldi, 9 ta davlat esa jismoniy jazoni taqiqlashga va’da berdi.
Asosiy statistik ko‘rsatkichlar:
- har yili 2 yoshdan 17 yoshgacha bo‘lgan bolalarning yarmidan ko‘pi zo‘ravonlikning qandaydir ko‘rinishini boshdan kechiradi (1 milliarddan ortiq bola);
- har besh boladan uch nafari muntazam ravishda uyda jismoniy kuch ishlatish bilan jazolanadi;
- har beshinchi qiz bola va har yettinchi o‘g‘il bola jinsiy zo‘ravonlikka duchor bo‘ladi;
- 25 foizdan 50 foizgacha bolalar bezorilar nishoniga aylanadi.
Qurol va boshqa zo‘ravonliklar o‘smirlar o‘limining asosiy sababi hisoblanadi.
Konferensiya yakunlari bo‘yicha 2030-yilgacha bo‘lgan davrga mo‘ljallangan, bolalarga nisbatan zo‘ravonlik darajasini pasaytirish bo‘yicha davlatlarning maqsad va vazifalari ko‘rsatilgan hujjat ishlab chiqildi.
Press-relizda aytilishicha, Burundi, Chexiya, Gambiya, Qirg‘iziston, Panama, Shri Lanka, Uganda va Tojikiston rasmiylari har qanday holatda ham bolalarni jismoniy jazolashni taqiqlashga va’da bergan. Shuningdek, Nigeriya hukumati ham maktablarda jismoniy jazolashni taqiqlamoqchi.
Ikki kunlik konferensiya Jahon sog‘liqni saqlash tashkiloti, BMT va Birlashgan Millatlar Tashkilotining Bolalar jamg‘armasi (YUNISEF) tomonidan tashkil etildi. Unda 130 shtat hukumatlari vakillari, jumladan, 90 ta vazirlar ishtirok etdi.
BMT hisob-kitoblariga ko‘ra, 2024-yilda dunyoda 15 yoshgacha bo‘lgan bolalar soni 2 milliardga yetdi. Voyaga etmaganlarning ulushi sayyora aholisining taxminan 25 foizini tashkil qiladi.
Izoh (0)