Жорий йил 8 ноябрь куни Богота шаҳрида болаларга нисбатан зўравонликнинг олдини олиш бўйича биринчи глобал вазирлар конференцияси якунланди.
ЖССТ маълумотларига кўра, ҳар йили дунёдаги болаларнинг ярмидан кўпи — 1 миллиарддан ортиқ бола зўравонликка дучор бўлади. Конференция натижасида 100 дан ортиқ давлат болаларга нисбатан зўравонликнинг олдини олиш бўйича мажбуриятларни ўз зиммасига олди, 9 та давлат эса жисмоний жазони тақиқлашга ваъда берди.
Асосий статистик кўрсаткичлар:
- ҳар йили 2 ёшдан 17 ёшгача бўлган болаларнинг ярмидан кўпи зўравонликнинг қандайдир кўринишини бошдан кечиради (1 миллиарддан ортиқ бола);
- ҳар беш боладан уч нафари мунтазам равишда уйда жисмоний куч ишлатиш билан жазоланади;
- ҳар бешинчи қиз бола ва ҳар еттинчи ўғил бола жинсий зўравонликка дучор бўлади;
- 25 фоиздан 50 фоизгача болалар безорилар нишонига айланади.
Қурол ва бошқа зўравонликлар ўсмирлар ўлимининг асосий сабаби ҳисобланади.
Конференция якунлари бўйича 2030 йилгача бўлган даврга мўлжалланган, болаларга нисбатан зўравонлик даражасини пасайтириш бўйича давлатларнинг мақсад ва вазифалари кўрсатилган ҳужжат ишлаб чиқилди.
Пресс-релизда айтилишича, Бурунди, Чехия, Гамбия, Қирғизистон, Панама, Шри Ланка, Уганда ва Тожикистон расмийлари ҳар қандай ҳолатда ҳам болаларни жисмоний жазолашни тақиқлашга ваъда берган. Шунингдек, Нигерия ҳукумати ҳам мактабларда жисмоний жазолашни тақиқламоқчи.
Икки кунлик конференция Жаҳон соғлиқни сақлаш ташкилоти, БМТ ва Бирлашган Миллатлар Ташкилотининг Болалар жамғармаси (ЮНИСEФ) томонидан ташкил этилди. Унда 130 штат ҳукуматлари вакиллари, жумладан, 90 та вазирлар иштирок этди.
БМТ ҳисоб-китобларига кўра, 2024 йилда дунёда 15 ёшгача бўлган болалар сони 2 миллиардга етди. Вояга этмаганларнинг улуши сайёра аҳолисининг тахминан 25 фоизини ташкил қилади.
Изоҳ (0)