Jahon sog‘liqni saqlash tashkiloti Pokistonda musodara qilingan soxta yo‘tal siropidan ogohlantirdi. Preparat tarkibidagi ko‘p miqdordagi etilenglikol o‘tkir buyrak shikastlanishi va o‘limga olib keladi.
Pokiston giyohvand moddalarni nazorat qilish boshqarmasi (DPAR) yanvar va mart oylarida Dow Chemical kompaniyasining Tailand, Germaniya va Singapurdagi sho‘ba korxonalari tomonidan ishlab chiqarilgan siroplar tarkibida yuqori miqdorda etilenglikol bo‘lganini aniqlagan. DRAP tarkibida propilen glikol bor yo‘talga qarshi sirop partiyasini tekshiruvga jo‘natgan.
Namunalarda etilenglikol kontaminatsiyasi 0,76-100 foiz bo‘lgan. Xalqaro ishlab chiqarish standartlariga ko‘ra, u faqat 0,1 foizdan past bo‘lsagina, xavfsiz hisoblanadi. Hindiston va Indoneziyada ishlab chiqarilgan, tarkibida etilenglikol yuqori bo‘lgan yo‘tal siroplari 2022-yil oxiridan buyon dunyo bo‘ylab 300 dan ortiq bolaning o‘limiga sabab bo‘lgan. Ular qatorida O‘zbekistonda “Dok-1 Maks” siropidan vafot etgan 68 nafar bola ham bor, 16 nafar bola nogiron bo‘lib qolgan.
Indoneziyadagi holat yuzasidan rasmiylar yetkazib beruvchilardan biri etilenglikol bo‘lgan partiyalariga soxta Dow Thailand yorliqlari qo‘yganini aniqladi. Mazkur partiya farmatsevtika uchun distribyutorga sotilgan. Zaharli moddalarni o‘z ichiga olgan siroplar Dow kompaniyasi tomonidan ishlab chiqarilmagan yoki yetkazib berilmagan.
DRAP tomonidan qo‘lga kiritilgan partiyalarning bir nechtasi 2023-yilda ishlab chiqarilgan, JSST holat yuzasidan dori ishlab chiqaruvchilarni yetkazib beruvchilar mahsulotining sifatini tekshirishga chaqirgan.
Ushbu ogohlantirishda ko‘rsatilgan propilen glikol materiallari qasddan va firibgarlik yo‘li bilan noto‘g‘ri markirovka qilingan, — dedi JSST va yuklar boshqa mamlakatlarga jo‘natilgan bo‘lishi mumkinligini bildirdi.
JSST ogohlantirishi Tanzaniya, Ruanda, Nigeriya, Keniya, Janubiy Afrikadagi dori-darmonni tartibga soluvchilar Jonson&Jonson bolalar uchun yo‘tal siropi partiyalarini qaytarib yuborganidan so‘ng e’lon qilindi. Bunga Nigeriya tomonidan siroplar tarkibida dietilenglikolning yuqori miqdori aniqlangani sabab bo‘ldi. Benylin Paediatric siropining qaytarib olingan partiyasi Jonson&Jonson tomonidan Janubiy Afrikada 2021-yil may oyida ishlab chiqarilgan. Brend o‘tgan yili J&J kompaniyasidan ajralib chiqqan, u hozirda Kenvue kompaniyasiga tegishli.
Izoh (0)