Pokistonda havo ifloslangani tufayli Lahor shahridagi boshlang‘ich maktablar bir haftaga yopildi. Shaharda havo sifati indeksi o‘tgan dam olish kunlari rekord darajaga yetdi. Bu haqda Associated Press xabar berdi.
Hukumat xodimlarning 50 foizi uydan ishlashi kerakligini aytdi, chunki Lahorda dam olish kunlari havo sifati indeksi 1000 dan oshdi. Bu Pokiston uchun rekord ko‘rsatkichdir. Oktyabr oyida Lahorda havo sifati yomonlasha boshlaganidan beri zaharli kulrang smola o‘n minglab odamlarning, asosan, bolalar va keksalarning kasallanishiga sabab bo‘ldi.
Hukumat ma’lum hududlarda qurilish ishlarini taqiqlab, tutun chiqaradigan transport vositalari egalarini jarimaga tortdi. Panjob atrof-muhitni muhofaza qilish departamenti ma’lumotlariga ko‘ra, PM2,5 dispers zarralarining konsentratsiyasi 450 ga yetgan va bu xavfli ko‘rsatkich hisoblanadi.
Izoh (0)