Hindiston shimolidagi Marchula shahri yaqinida avtobus qariyb 200 metr balandlikdan daraga qulab tushdi. Natijada kamida 36 kishi halok bo‘ldi, deb xabar berdi Times of India.
Favqulodda holat Uttarakxand shtatida sodir bo‘lgan, avtobusda 45 kishi bo‘lgan. Kamida besh kishi bedarak yo‘qolgan. Favqulodda vaziyatlar bo‘limi ma’lumotlariga ko‘ra, yana bir necha kishi jarohatlangan va davolanish uchun yaqin atrofdagi shifoxonalarga yetkazilgan. Mahalliy aholi qutqaruvchilarga vayronalar ostida qolgan yo‘lovchilarni topishda yordam bermoqda.
Rasmiylar jabrlanuvchilarga tovon puli to‘lashni buyurdi, deya NDTV telekanali xabar berdi.
Voqea sabablari yuzasidan ham tergov boshlangan.
Izoh (0)