Prezident Shavkat Mirziyoyevning Qozon shahriga tadbirlarga boy amaliy tashrifi nihoyasiga yetdi. Bu haqda Prezident matbuot xizmati xabar berdi.
Tashrif dasturi yakunlangach, davlat rahbari Toshkentga jo‘nab ketdi. Aeroportda oliy martabali mehmonni Tatariston raisi Rustam Minnixanov va boshqa rasmiy shaxslar kuzatib qo‘ydi.
O‘zbekiston prezidenti “BRIKS plyus” sammitining yalpi majlisida barqaror taraqqiyot yo‘lidagi umumiy maqsadlarga erishishga qaratilgan muhim tashabbuslarni ilgari surdi.
Sammit doirasida davlatimiz rahbarining Turkiya prezidenti Rajab Toyyib Erdo‘g‘on, Xitoy Xalq Respublikasi raisi Si Szinpin, Misr Arab Respublikasi prezidenti Abdulfattoh as-Sisi, Hindiston bosh vaziri Narendra Modi, Vyetnam bosh vaziri Fam Min Tin, Tatariston raisi Rustam Minnixanov, Yangi taraqqiyot banki prezidenti Dilma Rusef, “Sberbank” boshqaruvi raisi German Gref bilan uchrashuv va muzokaralari bo‘lib o‘tdi.
Shuningdek, Shavkat Mirziyoyevni O‘zbekiston va Tatariston o‘rtasidagi hamkorlikni rivojlantirish, xalqlar o‘rtasida do‘stlik va o‘zaro anglashuvni mustahkamlashga qo‘shgan salmoqli hissasi uchun Tatariston Respublikasining davlat mukofoti — “Do‘stlik” ordeni bilan taqdirlash marosimi bo‘lib o‘tdi.
Izoh (0)