Rossiya sog‘liqni saqlash sohasida, xususan, epidemiyalardan himoyalanish masalasida siyosiy sabablarga ko‘ra kiritilgan sanksiyalarni qabul qilmaydi. Bu haqda Rossiya prezidenti Vladimir Putin ma’lum qildi.
“Sog‘liqni saqlash sifati va epidemiyalarga qarshi kurash gumanitar rivojlanishning eng muhim tarkibiy qismidir. Bu sohada siyosiy mulohazalar bilan belgilab qo‘yilgan har qanday cheklovlar yoki sanksiyalar mutlaqo qabul qilinishi mumkin emas. BRIKSning vazifasi tibbiyot, tibbiy texnika va epidemiyalarga qarshi kurash sohalarida o‘zaro munosabatlarni shunday yo‘lga qo‘ysinki, mazkur sohalardagi eng ilg‘or yutuqlar barcha a’zo davlatlarning umumiy boyligiga aylansin”, deydi Putin sammitning yakuniy yig‘ilishida.
BRIKS sammiti Qozon shahrida joriy yilning 22 —24-oktyabr kunlari bo‘lib o‘tdi. Autrich amaliyoti BRIKS ishtirokchilari, BRIKS mintaqasi ichidagi va undan tashqaridagi boshqa subyektlar o‘rtasidagi o‘zaro munosabatlarni anglatadi.
BRIKS 2006-yilda tuzilgan davlatlararo assotsiatsiyadir. Rossiya 2024-yilning 1-yanvarida BRIKSga raislikni qabul qildi. Assotsiatsiyaga Rossiyadan tashqari Braziliya, Hindiston, Xitoy va Janubiy Afrikaning a’zo bo‘lishidan boshlangan, endilikda Misr, Efiopiya, Eron, BAA va Saudiya Arabistoni ham kiradi.
Rossiyaning BRIKSga raisligi teng huquqli global rivojlanish va xavfsizlik uchun ko‘p tomonlama munosabatlarni mustahkamlash shiori ostida o‘tkazilmoqda.
Izoh (0)