Maktab o‘quvchilari ketayotgan avtobus Hindiston shimolidagi Uttar-Pradesh shtatida daraga qulab ketdi. Bu haqda ANI agentligiga tayanib, “RIA Novosti” xabar berdi.
Ma’lumotlarga qaraganda, halokat 2-iyul, dushanba kuni Chartxaval okrugida yuz bergan. Dastlabki xabarlarga qaraganda, kamida 6 nafar o‘quvchi turli darajadagi tan jarohati olgan. Ayni vaqtga qadar jabrlanganlar shifoxonaga olib kelingan, ularning hayoti xavf ostida emasligi xabar qilingan.
Voqea sabablari borasida hozircha hech qanday axborot taqdim qilinmagan.
Avvalroq, 1-iyul, yakshanba kuni Hindistonning Uttarakxand shtatida so‘nggi yillardagi eng yirik avariya yuz bergan. 50 ta yo‘lovchisi bo‘lgan avtobus 200 metr chuqurlikka qulab ketgan. So‘nggi ma’lumotlarga qaraganda, 45 kishi voqea joyida halok bo‘lgan, oradan vaqt o‘tgach yana 2 kishi olgan jarohati tufayli vafot etgan.
Eslatib o‘tamiz, Hindistonning Uttar-Pradesh shtatida yuz bergan avtobus ishtirokidagi yo‘l-transport hodisasi oqibatida kamida 17 kishi halok bo‘ldi, 12 kishi jarohatlangani haqida ma’lumot berilgan edi.
Izoh (0)