Hindistonda yo‘lovchi avtobusi tog‘ yo‘lidan chiqib ketib, chuqur daraga qulab tushdi. Hodisa oqibatida 36 kishi halok bo‘ldi, 19 kishi jarohat oldi, ularning aksariyati og‘ir ahvolda.
Hodisa Srinagar shahridan 150 kilometr janubda joylashgan Doda okrugi Assar tumanida sodir bo‘lgan. Avtobus Kishtvar shahridan Jammu shahriga ketayotgan edi.
Huquq-tartibot idoralari xodimlarining so‘zlariga ko‘ra, hodisa joyiga birinchi bo‘lib mahalliy aholi yetib kelgan va jabrlanganlarga yordam ko‘rsatgan. Avtohalokat sabablari hozircha noma’lum.
Hindiston prezidenti Draupadi Murmu va bosh vazir Narendra Modi halok bo‘lganlar yaqinlariga hamdardlik bildirdi, deya xabar bermoqda Sinxua agentligi.
Izoh (0)