Ispaniyaning janubi-sharqida 29-oktyabr kuni kuchli yomg‘irdan so‘ng keng ko‘lamli suv toshqinlari boshlandi.
Hodisa oqibatida 62 kishi halok bo‘lgani xabar qilindi.
Valensiya shahar hokimligi 30-oktyabr kuni maktablardagi darslar va sport tadbirlari bekor qilinishi, bog‘lar yopiq qolishini bildirgan. Vayron bo‘lgan hududlarga mingdan ortiq askar jo‘natilgan. Suv toshqini sababli poyezd qatnovlari va aviareyslar bekor qilingan.
Ispaniyada 3 kunlik motam e’lon qilindi va “Valensiya” klubi 2-noyabr kuni “Real”ga qarshi bo‘lib o‘tishi rejalashtirilgan o‘yinni boshqa kunga qoldirishni so‘rab, La Ligaga murojaat qildi. Madridliklar ham bu so‘rovga qarshi emas.
Katta ehtimol bilan ushbu uchrashuv boshqa kunga qoldiriladi. “Ko‘rshapalaklar”ning Ispaniya Kubogi doirasidagi “Parla Eskuela”ga qarshi o‘yini va “Levante”—“Pontevedra” uchrashuvi ham boshqa kunga ko‘chirildi.
Shuningdek, Ispaniya chempionatidagi o‘yinlar vafot etganlar xotirasi uchun bir daqiqalik sukut bilan boshlanishi ma’lum qilindi.
Izoh (0)