“Barselona”ning 17 yoshli futbolchisi uchun ushbu mavsum tugadi

Avgust oyi oxirida La Liga doirasidagi “Valensiya”ga qarshi o‘yinda Bernalning chap tizzasining oldingi xochsimon bog‘lami yorilib ketgan edi.

“Barselona” matbuot xizmati xabariga ko‘ra, Bernal 9 sentyabr kuni muvaffaqiyatli operatsiya qilindi.17 yoshli futbolchining tiklanishi uchun kamida 12 oy vaqt kerak bo‘lishi kutilmoqda.

Bernal mavsumoldi tayyorgarlik natijalariga ko‘ra, “Barselona”ning asosiy tarkibi futbolchisiga aylandi.

Eslatib o‘tamiz, o‘tgan yili “Barselona” yarim himoyachisi Gavi jarohat sabab shuncha vaqt davomida jamoaga yordam bera olmasligi ma’lum bo‘lgandi va u tiklanishda davom etmoqda.

“Barselona” Ispaniya chempionatining navbatdagi o‘yinini 15-sentyabr, yakshanba kuni mehmonda “Jirona”ga qarshi o‘tkazadi.