Futbol bo‘yicha Ispaniya La Ligasining 19-turidan o‘rin olgan qator uchrashuvlar 29-yanvar, yakshanba kuni bo‘lib o‘tdi.
“Real” o‘z maydonida “Real Sosyedad”ni qabul qildi. Uchrashuvning birinchi bo‘limi maydon egalarining ustunligida o‘tdi, biroq tanaffusga qadar hisob ochilmadi. Ikkinchi bo‘limda har ikki jamoa vakillarida qator imkoniyat yuzaga keldi, ammo darvozalar daxlsizligi saqlab qolindi.
“Real” 42 ochko bilan ikkinchi o‘rinda ketmoqda va peshqadam “Barselona” bilan o‘rtadagi farq 5 ochkoga yetdi. San-Sebastyan klubi esa 39 ochko bilan uchinchi pog‘onadan joy olgan.
“Atletiko” safarda “Osasuna”ga qarshi bahs yuritdi va Saul Nigesning yagona goli evaziga g‘alabani qo‘lga kiritdi.
19-tur o‘yinlaridan keyin musobaqa jadvali quyidagi ko‘rinishni oldi:
La Liga
19-tur bahslari
29-yanvar, yakshanba
“Real Madrid” – “Real Sosyedad” 0:0
“Real Madrid”: Kurtua, Nacho, Ryudiger, Militao, Kamavinga, Kroos, Sebalyos (Asensio, 77), Valverde (Modrich, 77), Benzema, Vinisius Junior, Rodrigo.
“Real Sosyedad”: Remiro, Elustondo (Olasagasti, 66), Le Norman, Subeldiya, Munyos (Riko, 46), Ilyarramendi, Mendes (Navarro, 55), Subimendi, Kubo, Syorlot (Fernandes, 84), Oyarsabal (Marin, 55).
Ogohlantirishlar: Subimendi (27), Nacho (41), Elustondo (65), Kubo (68), Remiro (90+4).
“Osasuna” – “Atletiko” 0:1
Gol: 0:1 – 74 Saul.
“Osasuna”: Fernandes, Moreno (Kike Garsiya, 78), Aridane, David Garsiya, Sanches, Moyses Gomes, Torro, Ibanyes (Brashanats, 60), Ruben Garsiya (Monkayola, 60), Chimi Avila (Budimir, 60), Ez Abde (Barxa, 78).
“Atletiko”: Oblak, Molina, Ximenes, Ermoso, Reynildu, De Pol (Vitsel, 87), Lemar (Karrasko, 46), Koke (Kondogbia, 87), Barrios (Saul, 65), Grizmann, Korrea (Morata, 65).
Ogohlantirishlar: Brashanats (70).
“Selta” – “Atletik” 1:0
Gol: 1:0 – 71 Aspas.
“Valyadolid” – “Valensiya” 1:0
Gol: 1:0 – 90 Larin.
Izoh (0)