Olimpiya cho‘qqisi uchun ilk qadam. O‘zbekiston—Ispaniya uchrashuvi. Prevyu

Fransiyaning Parij shaharida 4 yillikning muhim musobaqasi bo‘lmish Olimpiada bahslari start olmoqda.

Rasmiy ochilish marosimidan oldin (26-iyul) futbol musobaqalariga start beriladi. C guruhida O‘zbekiston Olimpiya terma jamoasi turnirni Ispaniyaga qarshi bahs bilan boshlaydi.

Fransiya. Parij. Park de Prens

24-iyun, chorshanba

O‘zbekiston — Ispaniya 18:00

Bosh hakam: Beida Dahane (Mavritaniya)

Ispaniya

Ispaniya Olimpiya terma jamoasi qit’aning eng kuchli jamoalaridan hisoblanadi. Jamoa eng sovrindor jamoalardan biri. Ispanlar 1992-yil o‘tkazilgan musobaqada oltin medal sohibi bo‘lgan. So‘nggi ikki musobaqada ikkinchi o‘rinni egalladi. 

2020-yil Tokioda bo‘lib o‘tgan musobaqada ispanlar qo‘shimcha daqiqalarda o‘tkazib yuborilgan gollar sabab finalda mag‘lubiyatga (2:1) uchragan edi.

Umumiy hisobda Ispaniya 5 bora 4 yillikning eng muhim musobaqasida qatnashgan.

O‘zbekiston

O‘zbekiston Olimpiya terma jamoasi tarixda ilk bor musobaqada ishtirok etadi.

Aprel oyida bo‘lib o‘tgan U-23 Osiyo Kubogi yarim finalida Timur Kapadze shogirdlari Indoneziyaga qarshi bahs olib bordi va 2:0 hisobida g‘alaba qozondi.

Shu tariqa Olimpiya terma jamoasi ilk bor 4 yillikning nufuzli turnirida ishtirok etish huquqini qo‘lga kiritdi.

Uch kishilik limitdan joy olgan Eldor Shomurodovning jamoada bo‘lishi guruhdan chiqish imkoniyatlarini oshirishga xizmat qiladi. Eldor O‘zbekiston milliy terma jamoasining eng yaxshi to‘purari hisoblanadi.

Olimpiya terma jamoalari qaydnomasi:

Timur Kapadze boshchiligidagi Olimpiya terma jamoasining yakuniy 18 kishilik tarkibi: 

1. Abduvohid Ne’matov (“Nasaf”);
2. Saidzamat Mirsaidov (“Olimpik”);
3. Abduqodir Husanov (“Lans”);
4. Xusniddin Aliqulov (“Rizespor”);
5. Muhammadqodir Hamraliyev (“Paxtakor”);
6. Ibrohimxalil Yo‘ldoshev (“Qayrat”);
7. Abbosbek Fayzullayev (“SSKA”)
8. Ruslan Jiyanov (“Navbahor”);
9. Husayn Norchayev (“Neftchi”).
10. Jasur Jaloliddinov (“Neftchi”);
11. Oston O‘runov (“Persepolis”);
12. Vladimir Nazarov (“Paxtakor”);
13. Zafarmurod Abdirahmatov (“Nasaf”);
14. Eldor Shomurodov (“Roma”);
15. Umarali Rahmonaliyev (“Rubin”);
16. Asadbek Rahimjonov (“Olimpik”);
17. Diyor Xolmatov (“Paxtakor”);
18. Abdurauf Bo‘riyev (“Paxtakor”);

Zaxira o‘yinchilari: 

• 19. Ibrohim Ibrohimov (“Paxtakor”)
• 20. Alisher Odilov (“Olimpik”);
• 21. Behruz Asqarov (“Paxtakor”);
• 22. Hamidullo Abdunabiyev (“Olimpik”);

Zaxiradagi 4 futbolchi 18 kishilik tarkibdan kimdir jarohat olsa, o‘rniga qo‘shilishi mumkin. Tarkibdagi birinchi raqamdan 18-raqamgacha bo‘lgan futbolchilar “zayavka”dagi futbolchilar sirasiga kiradi. 19—22-raqamdagi futbolchilar esa FIFA tomonidan ruxsat berilgan favqulodda holatlardagina jamoaga yordam berishi mumkin. 

Ispaniya Olimpiya terma jamoasining qaydnomasi:

• Arnau Tenas (“PSJ”),
• Mark Pubill (“Almeriya”),
• Xuan Miranda (“Betis”),
• Erik Garsiya (“Jirona”),
• Pau Kubarsi (“Barselona”),
• Pablo Barrios (“Atletiko”),
• Diego Lopes (“Valensiya”),
• Benat Turrientes (“Real Sosyedad”),
• Abel Ruis (“Braga”),
• Fermin Lopes (“Barselona”),
• Jon Pacheko (“Real Sosyedad”),
• Xoan Garsiya (“Espanyol”),
• Almar Oros (“Osasuna”),
• Migel Gutyerres (“Jirona”),
• Adrian Bernabe (“Parma”),
• Serxio Gomes (“Manchester Siti”),
• Samu Omorodion (“Alaves”),
• Kristian Moskera (“Valensiya”),
• Xuanlu Sanches (“Sevilya”),
• Serxio Kamelyo (“Rayo Valyekano”),
• Alexandro Iturbe (“Atletiko”).

Uchrashuvning ehtimoliy asosiy tarkibi:

O‘zbekiston Olimpiya terma jamoasi: Ne’matov, Mirsaidov, Hamraliyev, Husanov, Yo‘ldoshev, Bo‘riyev, Xolmatov, Fayzullayev, Jaloliddinov, Odilov, Shomurodov.

Ispaniya Olimpiya terma jamoasi: Tenas, Pubill, Garsia, Kubarsi, Miranda, Baena, Barrios, Bernabe, Lopes, Ruis, Omorodion.

Eng qimmat o‘yinchilari:

Ispaniya tarkibi musobaqaning eng qimmat jamoalaridan biri hisoblanadi. Transfermarkt bergan ma’lumotlarga ko‘ra, jamoaning umumiy narxi 470 million yevroni tashkil etadi. Faqatgina Fransiya Olimpiya terma jamoasining bahosi ispanlardan balandroq.

Ispaniyaning eng qimmatbaho 5 futbolchisi:

1. Aleks Baena – 40 mln yevro

2. Samu Omorodion – 35 mln yevro

3. Fermin Lopes – 30 mln yevro

4. Kristian Moskera – 30 mln yevro

5. Pau Kubarsi – 30 mln yevro.

O‘zbekiston Olimpiya terma jamoasining ushbu musobaqadagi eng qimmat o‘yinchisi Abbosbek Fayzullayev bo‘lib turibdi. 

O‘zbekistonning eng qimmatbaho 5 futbolchisi:

1. Abbosbek Fayzullayev – 6 mln yevro;

2. Eldor Shomurodov – 5 mln yevro;

3. Oston O‘runov – 2,5 mln yevro;

4. Abduqodir Husanov – 2,5 mln yevro;

5. Husniddin Aliqulov – 1,2 mln yevro.

Avvalroq OTJ hujumchisi Husayn Norchayev FIFA’ga intervyu bergani va O‘zbekistonda medallar uchun kurashish imkoniyati yuqori ekani haqida fikr bildirgandi.

• Ma’lumot uchun, Ispaniya hamda O‘zbekiston jamoalari o‘rtasidagi uchrashuv, bugun, 24-iyul kuni bo‘lib o‘tadi.