Transfermarkt portali iyun oyidagi natijalarga ko‘ra, La Liganing ushbu mavsumda eng qiymati oshgan futbolchilar reytingini taqdim etdi.
-7vGYz9Sq.jpg)
Unga ko‘ra, “Real Madrid” vingeri Vinisius Junior reytingning eng yuqori o‘rnini egallab turibdi. Uning narxi 30 million yevroga oshgan. “Qirollik” klubi yarim himoyachisi Federiko Valverde ikkinchi, “Barselona” hujumchisi Lamin Yamal uchinchi o‘rinni egallab turibdi. Ularning narxi ham mos ravishda 20 million va 15 million yevroga qimmatlagan.
La Liganing transfer narxi oshgan 10 nafar futbolchisi quyidagilar:
- Vinisius Junior (“Real”, 180 (+30) million yevro);
- Federiko Valverde (“Real”, 120 (+20) million);
- Lamin Yamal (“Barselona”, 90 (+15) million);
- Aleks Baena (“Vilyarreal”, 40 (+15) million);
- Kristian Mosquera (“Valensiya”, 30 (+15) million);
- Arda Guler (“Real Madrid”, 30 (+15) million);
- Fermin Lopes (“Barselona”, 30 (+15) million);
- Jonni Kardozo (“Betis”, 25 (+15) million);
- Rodrigo Goes (“Real Madrid”, 110 (+10) million);
- Aurelien Chuameni (“Real Madrid”, 100 (+10) million).
2024-yil 1-iyun sanasida Vinisius “Real” bilan Chempionlar Ligasi finalida Dortmundning “Borussiya” klubi ustidan 2:0 hisobida g‘alaba qozondi va musobaqadagi ikkinchi sovrinini qo‘lga kiritdi. Vinisius 23 yosh-u 325 kunligida Chempionlar Ligasining ikkita finalida ham gol urgan eng yosh futbolchiga aylandi va Lionel Messining rekordini 13 kunga yangiladi.
Izoh (0)