La Liga. “Real” Vinisius chetlatilgan o‘yinda “Valensiya”ga yutqazib qo‘ydi, “Atletiko” g‘alaba evaziga 2-o‘ringa ko‘tarildi

Futbol bo‘yicha Ispaniya La Ligasining 35-turidan o‘rin olgan qator uchrashuvlar 21-may, yakshanba kuni bo‘lib o‘tdi.

“Real” safarda “Valensiya”ga qarshi bahs olib bordi. Uchrashuvning 33-daqiqasida Diyego Lopes mezbonlarni hisobda oldinga olib chiqdi.

Ikkinchi bo‘lim keskinlik va janjallarga boy bo‘ldi. Ikkinchi bo‘lim o‘rtalarida muxlislarning Vinisius Juniorga nisbatan ishlatgan haqoratli so‘zlari sabab o‘yin bir necha daqiqaga to‘xtab qoldi. Hakam tomonidan qo‘shib berilgan vaqtda jamoalar ishtirokida ommaviy janjal yuzaga keldi, natijada raqibiga tirsagi bilan zarba bergan Vinisiusga qizil kartochka ko‘rsatildi. Bir nechta golli imkoniyatlarga qaramay, Madrid jamoasi raqib darvozasiga yo‘l topa olmadi.

Yana bir o‘yin “Atletiko” va “Osasuna” jamoalari o‘rtasida o‘tkazildi. Unda madridliklar Yannik-Ferreyra Karrasko, Saul Niges va Anxel Korreaning gollari evaziga yirik hisobda g‘alaba qozondi.

Shu tariqa “Atletiko” musobaqa jadvalida 2-o‘ringa ko‘tarilib oldi.

Musobaqa jadvali quyidagi ko‘rinishni oldi:

La Liga

35-tur bahslari

21-may, yakshanba

“Valensiya” – “Real Madrid” 1:0

Gol: 1:0 – 33 Diyego Lopes.

“Valensiya”: Mamardashvili, Tyerri Korreyya (Toni Lato, 68), Jemert, O‘zkajar, Gayya (Musa, 90), Almeyda, Niko Gonsales, Gerra, Klyuyvert (Duro, 90), Kavani (Lino, 58), Diyego Lopes (Fulke, 58).

“Real Madrid”: Kurtua, Ryudiger, Militao, Mendi (Karvaxal, 86), Sebalyos (Kroos, 65), Tchuameni (Valverde, 86), Kamavinga (Rodrigo, 46), Vaskes, Asensio (Modrich, 65), Vinisius Junior, Benzema.

Ogohlantirishlar: Klyuyvert (57), Jemert (70), Rodrigo (86), Modrich (87), Musa (90+6), Mamardashvili (90+6).

Chetlatish: Vinisius Junior (90+7).

“Atletiko” – “Osasuna” 3:0

Gollar: 1:0 – 44 Karrasko, 2:0 – 62 Saul, 3:0 – 82 Korrea.

“Atletiko”: Grbich, Molina, Ximenes, Ermoso, Vitsel, Karrasko (Regilon, 85), Koke (Barrios, 84), Saul, De Pol (Kondogbia, 85), Grizmann (Martin, 90), Morata (Korrea, 46).

“Osasuna”: Errera, Penya (Ibanyes, 68), Aridane, David Garsiya, Sanches, Torro (Munyos, 75), Monkayola, Oros, Ruben Garsiya (Barxa, 68), Chimi Avila (Xuan Krus, 46), Budimir (Kike Garsiya, 68).

Ogohlantirishlar: Budimir (28), Penya (65).

“Rayo Valyekano” – “Espanyol” 1:2

Gollar: 0:1 – 23 Darder, 1:1 – 42, penalti de Tomas, 1:2 – 59 Melamed.