“Valensiya” darvozaboni Georgiy Mamardashvilining “Liverpul”ga o‘tishi amalga oshmasligi mumkin, deb yozadi Marca nashri.
Ispaniya klubi egasi Peter Lim 23 yoshli gruziyalik uchun kamida 40 million yevro talab qilmoqda, ammo “Liverpul” bunday summani to‘lash niyatida emas. Tomonlar o‘rtasidagi barcha muzokaralar yakuniga yetmay qolishi mumkin. Barchasi mersisaydliklar 40 million yevroga rozi bo‘lish yoki bo‘lmasligiga bog‘liq.
Avvalroq “Liverpul” Mamardashvilini o‘z safiga qo‘shib, darhol “Bornmut”ga ijaraga berishi haqida xabarlar tarqalgan edi
17-avgust, shanba kuni darvozabon “Barselona” bilan o‘yinda ishtirok etdi, bu klublar o‘rtasidagi muzokaralar murakkablashganidan dalolat berishi mumkin.
Mamardashvilining ispan klubi bilan shartnomasi 2027-yilning yoziga qadar mo‘ljallangan. O‘tgan mavsumda darvozabon 32 ta o‘yinda maydonga tushib, 12 tasida o‘z darvozasi daxlsizligini saqlab qolgan, qolgan o‘yinlarda 34 ta gol o‘tkazib yuborgan.
Transfermarkt portalida berilgan ma’lumotlarga ko‘ra, futbolchining bozor qiymati 45 million yevroni tashkil qiladi.
Izoh (0)