Ispaniya sudi “Real” hujumchisi Vinisius Juniorni irqiy kamsitgan bezorilarga nisbatan hukm chiqardi, deb xabar bermoqda Marca nashri.
Madriddagi ko‘prikda Vinisius Junior ko‘rinishidagi qo‘g‘irchoqni osib qo‘ygan to‘rt fuqaro 60 ming yevro miqdorida jarimaga tortildi va ularga ikki yilga sport inshootlariga kirish taqiqlandi. “Atletiko Madrid” muxlislari ko‘prikka “Madrid “Real Madrid”dan nafratlanadi” yozuvi tushirilgan plakatni osib qo‘ygan va uning ostida Vinisius futbolkasi kiydirilgan qora puflanadigan qo‘g‘irchoq osilgan edi.
AS xabariga ko‘ra, sud “Og‘irlashtiruvchi holatlar bilan irq asosida kamsitish” moddasi bo‘yicha aybdor deb topilgan “Valensiya”ning uch nafar muxlisini 12 oyga qamoq jazosiga hukm qildi, biroq sudlanuvchilar aybiga iqror bo‘lgani uchun muddat 8 oyga qisqartirilgan. Bundan tashqari, ular 5000 yevro miqdorida jarimaga tortildi va bir yilga sport musobaqalari o‘tkaziladigan maydonlarga borishdan chetlashtirildi.
Prokurorlar hali ham tergov ishlarini davom ettirmoqda va La Ligadan irqiy zo‘ravonlikni jazolash uchun qo‘shimcha vakolatlar so‘radi.
Izoh (0)