Испаниянинг жануби-шарқида 29 октябрь куни кучли ёмғирдан сўнг кенг кўламли сув тошқинлари бошланди.
Ҳодиса оқибатида 62 киши ҳалок бўлгани хабар қилинди.
Валенсия шаҳар ҳокимлиги 30 октябрь куни мактаблардаги дарслар ва спорт тадбирлари бекор қилиниши, боғлар ёпиқ қолишини билдирган. Вайрон бўлган ҳудудларга мингдан ортиқ аскар жўнатилган. Сув тошқини сабабли поезд қатновлари ва авиарейслар бекор қилинган.
Испанияда 3 кунлик мотам эълон қилинди ва “Валенсия” клуби 2 ноябрь куни “Реал”га қарши бўлиб ўтиши режалаштирилган ўйинни бошқа кунга қолдиришни сўраб, Ла Лигага мурожаат қилди. Мадридликлар ҳам бу сўровга қарши эмас.
Катта эҳтимол билан ушбу учрашув бошқа кунга қолдирилади. “Кўршапалаклар”нинг Испания Кубоги доирасидаги “Парла Эскуэла”га қарши ўйини ва “Леванте”—“Понтеведра” учрашуви ҳам бошқа кунга кўчирилди.
Шунингдек, Испания чемпионатидаги ўйинлар вафот этганлар хотираси учун бир дақиқалик сукут билан бошланиши маълум қилинди.
Изоҳ (0)