La Liga. “Barselona” “Valensiya” ustidan irodali g‘alabaga erishdi, Levandovskidan dubl

Futbol bo‘yicha Ispaniya La Ligasining 1-turida “Barselona” 17-avgust, shanba kuni “Valensiya”ga qarshi bahs olib bordi.

Uchrashuvning 44-daqiqasida Hyugo Duro boshi bilan ter Stegen darvozasini ishg‘ol qilib, hisobni ochdi. 45+5-daqiqada esa Robert Levandovski gol urib, hisobni tenglashtirishga muvaffaq bo‘ldi.

Ikkinchi bo‘lim boshida kataloniyaliklar futbolchisi Rafinya penalti ishlab oldi. 49-daqiqada Levandovski ushbu penaltini aniq amalga oshirdi va jamoasini hisobda oldinga olib chiqdi. 

Qolgan daqiqalarda darvozalar daxlsiz qoldi va “ko‘k-anorranglilar” mavsumni g‘alaba bilan boshladi.

La Liga

1-tur

17-avgust, shanba

“Valensiya” — “Barselona” 1:2

Gollar: 1:0 – 44 Duro, 1:1 – 45+5 Levandovski, 1:2 – 49 Levandovski (penalti).

“Valensiya”: Mamardashvili, Xesus Vaskes (Texon, 77), Gasorovski, Moskera, Terri Korreyya, Gerra, Pepelu, Diego Lopes (Fulke, 66), Rafa Mir (Otorbi, 77), Andre Almeyda (Dani Gomes, 66), Duro.

“Barselona”: ter Stegen, Balde (Martin, 64), Martines, Kubarsi (Kristensen, 64), Kunde, Kasado, Bernal (Erik Garsiya, 71), Ferran Torres (Pedri, 64), Rafinya, Yamal  (Pau Viktor, 86), Levandovski.

Ogohlantirishlar: Pepelu (38), Xesus Vaskes (45+5), Kubarsi (45+2), Baraxa (57), Kristensen (69), Kunde (81).